MAQSAT – ÁLEMDIK STANDARTTARǴA SÁIKESÝ

Memleket basshysynyń atyna Bilim jáne ǵylym mınıstri Janseıit Túımebaevtan hat kelip tústi, dep habarlady Qazaqstan Respýblıkasy Prezıdentiniń baspasóz qyzmeti. Onda ústimizdegi jyldyń 11-12 naýryzynda Býdapesht (Vengrııa) jáne Vena (Avstrııa) qalalarynda bolyp ótken Bolon úderisine qatysýshy memleketter Bilim mınıstrleriniń II forýmynda Qa­zaqstan Respýblıkasynyń Bolon prosesine qatysý máseleleri tal­qylanǵany habarlanady. “Qazaqstan Respýblıkasyn­da­ǵy joǵary bilim reformalarynyń oń qorytyndylaryn atap óte kelip, Bolon prosesine qatysýshy 46 el Qazaqstan Respýblıkasynyń Eýropa joǵary bilim aımaǵyna enýine biraýyzdan daýys berdi. Qa­zaqstan – Eýropa bilim keńistigine tolyqqandy múshe bolý qurmetin ıelengen tuńǵysh ortalyqazııalyq memleket”, – delinedi hatta. Mınıstr sondaı-aq, Qazaq­stan­nyń Bolon prosesine qatysýy qazaqstandyq joo-larǵa otandyq bilim berý baǵdarlamalary men oqý josparlaryn eýropalyq standart­tarǵa sáıkestendirýge múmkindik týǵyzatynyn jazady. Demek, Qazaqstannyń joǵary bilim týraly dıplomdary Eýropada konverttelip, qazaqstandyq jas mamandar  óńirdegi kez kelgen elde jumysqa turý quqyna ıe bolady. “...Halyqaralyq bilim keńis­tigine qozǵalysty júzege asyrý­daǵy basty maqsat – qazaq­standyq jo­ǵary bilimdi álemdik standarttarǵa sáıkestendirýdi qam­tamasyz etý”, – delinedi hat­tyń qorytyndysynda.