Kórshi óńirde bolyp qaıtty
Seısenbi, 9 sáýir 2013 1:47
О́tken juma kúni Jambyl oblysy Qazaqstan halqy Assambleıasynyń «Beıbitshilik pen kelisimniń jol kartasy» mega-jobasy sheńberinde kórshiles jatqan Ońtústik Qazaqstan oblysynyń meımandaryn qarsy aldy. Bul joba el Prezıdenti Nursultan Nazarbaevtyń QHA-nyń HVII sessııasynda bergen tapsyrmasy boıynsha júzege asyrylyp otyr.
Seısenbi, 9 sáýir 2013 1:47
О́tken juma kúni Jambyl oblysy Qazaqstan halqy Assambleıasynyń «Beıbitshilik pen kelisimniń jol kartasy» mega-jobasy sheńberinde kórshiles jatqan Ońtústik Qazaqstan oblysynyń meımandaryn qarsy aldy. Bul joba el Prezıdenti Nursultan Nazarbaevtyń QHA-nyń HVII sessııasynda bergen tapsyrmasy boıynsha júzege asyrylyp otyr.
Ońtústik óńirler elimizdiń óndiristik jáne agrarlyq áleýetin arttyrýda erekshe ról atqarady. Bul týraly Memleket basshysy Almatyda ońtústik oblystar ákimderiniń esepterin tyńdaǵan kezde aıtylǵan bolatyn.
Oblys óńirlik jalpy ónimniń 9 paıyzdyq ósimine qol jetkizip otyr. Ekonomıkanyń negizgi salalaryna ınvestısııalar ulǵaısa, kedeılik deńgeıi tómendep, ómir sapasy jaqsara túsken.
О́ńirde jasyl ekonomıkany damytýǵa qyzyǵýshylyq basym. Atap aıtqanda, taıaýdaǵy úsh jylda toǵyz balamaly jańa energııa kózi josparly qýatyna shyqqan kezde ol 185 megavatty quraıtyn bolady. Tartylǵan ınvestısııalar somasy 390 mln. AQSh dollaryn quraıdy. «Áýlıeata» áýejaıynyń ushý-qoný jolaǵy qaıta jańǵyrtylyp jatyr. Oblysta shaǵyn sý qoımalarynyń qurylysyn salý saıasaty júrgizilip keledi. Indýstrııalandyrý kartalary jobasy júzege asyrylýda.
– Bizderde qonaqtarǵa kórsetetin de, aıtatyn da nárselerimiz az emes. О́ńir kópultty jáne kópkonfessııaly. О́ńirdiń áleýmettik-ekonomıkalyq damýyndaǵy tabystar turaqty etnosaralyq ahýaldyń, beıbitshilik pen kelisimniń, ár etnos ókiliniń Qazaqstannyń ıgiligi úshin istegen jumysynyń arqasynda múmkin boldy, – deıdi Jambyl oblystyq Qazaqstan halqy Assambleıasy hatshylyǵynyń meńgerýshisi Larısa Lysova.
Oblystyq Assambleıa men barlyq etnomádenı qoǵamdyq birlestikter belsendi jumys júrgizip, turaqtylyq pen etnosaralyq kelisimdi nyǵaıtýǵa baǵyttalǵan saıasatty júzege asyryp keledi.
Mega-joba aıasynda oblys ortalyǵy men óńir aýdandarynda jastar sharalary, «Kóne Taraz – dostyq aýmaǵy» festıvali ótetin bolady. Jastar «Biz – Qazaqstan halqymyz!» flesh-mobyn ótkizýge jan-jaqty daıyndyq ústinde.
Al kórshi oblystan kelgen qonaqtar ult batyry Baýyrjan Momyshulynyń Jýaly aýdanyndaǵy murajaıyna baryp, Uly Jibek joly boıynda jatqan Ortalyq Azııanyń jaýhary – aty ańyzǵa aınalǵan Aısha Bıbi kesenesinde boldy. Bul oryndarǵa álemniń barlyq elderinen týrıster kelip turady.
Oblystyq Assambleıa qyzmetin kórsetetin beınerolıkter men beınefılmder, sýret kórmeleri daıyndap qoıylǵan. Olarda óńirde ómir súrip jatqan etnostardyń ómirleri týraly jan-jaqty áńgime qozǵalady.
Bul jolǵy shara Qazaqstan halqy Assambleıasynyń mereıtoılyq HH sessııasy qarsańynda uıymdastyryldy. Assambleıanyń barlyq músheleri – etnostar ókilderi osy forýmdy asyǵa kútip otyr jáne onymen úlken úmitterin baılanystyrady. Al sessııanyń urany kim-kimniń de júregine jaqyn taqyryp – «Qazaqstan-2050» Strategııasy: bir halyq – bir el – bir taǵdyr» dep atalady.
«Egemen-aqparat».
