Alpysqa kelgennen aqyl sura
Beısenbi, 18 sáýir 2013 2:17
Áıelderdiń zeınet jasyn ulǵaıtý máselesi biraz ýaqyttan bastap aıtyla bastady. О́z basym zeınetaqy salasyndaǵy ózgeristerdi tolyq qoldaımyn. Nege degen saýalǵa shama-sharqymsha jaýap berip kóreıin.
Birinshiden,Úkimet biryńǵaı zeınetaqy qoryn qurý, eńbekke jaramdy turǵyndardy jumyspen qamtý arqyly olardyń ózderin ózderi asyraıtyndaı jaǵdaıǵa jetkizse jaman bolmas edi. Ekinshiden, búginge deıin áıelder 50-den asqan soń jumysqa ornalasý jaǵynan qıyndyq kórip kelgeni belgili.
Beısenbi, 18 sáýir 2013 2:17
Áıelderdiń zeınet jasyn ulǵaıtý máselesi biraz ýaqyttan bastap aıtyla bastady. О́z basym zeınetaqy salasyndaǵy ózgeristerdi tolyq qoldaımyn. Nege degen saýalǵa shama-sharqymsha jaýap berip kóreıin.
Birinshiden,Úkimet biryńǵaı zeınetaqy qoryn qurý, eńbekke jaramdy turǵyndardy jumyspen qamtý arqyly olardyń ózderin ózderi asyraıtyndaı jaǵdaıǵa jetkizse jaman bolmas edi. Ekinshiden, búginge deıin áıelder 50-den asqan soń jumysqa ornalasý jaǵynan qıyndyq kórip kelgeni belgili. Endi zań qabyldana qalsa, jumys berýshiler mundaı shekteý qoıa almaıdy. Úshinshiden, kóptegen qurbylarymmen áńgimeleskende myna jaılarǵa qanyq boldym. Áıelderdiń kóbi 58 jastan zeınetke shyǵýdy armandaıdy dep óz basym kesip aıta almaımyn. Sebebi, ómirlik tájirıbesi men bilimin, biligin el ıgiligi úshin jaratsa jarasymdy emes pe. Onyń ústine «aqyldy alpysqa tolǵannan sura» degen sóz tegin aıtylmasa kerek. Zeınetke shyǵyp alǵan soń ózderin qaıda qoıarlaryn bilmeı, qoǵamnan tys qalǵan qurbylarym «shirkin, ujymyńmen birge qyzmet jasap júrgenderge qyzyǵamyn» dep aıtyp qalady.
Bizdiń ujymda elýge tarta qyz-kelinshek eńbek etedi. Bastapqyda olar áıelderdiń zeınet jasyn uzartýǵa renishterin bildirgeni ras. Kúni erteń jumystan qysqaryp qalsaq, otbasymyzdy kim asyraıdy degen saýal da tolǵandyrady. Biraq «alqanyń ekinshi jaǵy bar» degendeı, oılanyp-tolǵana kele túbi bul jańǵyrtýdyń tıimdi bolatynyna kóz jetkizgendeı. Eger deni saý, jaǵdaıy men jumysy bolsa, árbir adamnyń shamasy jetkenshe qyzmet etkeni jón bolady degen oıdamyn. Onyń ústine Úkimet qansha jasqa kelseń de, qaıta bilimińdi jetildirip, mamandyǵyńdy aýystyrýǵa jaǵdaı jasap otyr. Aýyr jumysqa jaǵdaıyń kelmese, aspazshy ne tiginshiniń oqýyn oqyp, jeńil jumysty tóńirekte. Zeınetaqy tólemderin aı saıyn turaqty aýdaryp tursań, kúni erteń onyń rahatyn kóresiń.
Tileýkesh JÁNIBEKOVA,
О́skemen qalasy ákimdiginiń №6 «Kúnshýaq» balabaqsha-bóbekjaıynyń dırektory.
Shyǵys Qazaqstan oblysy.
