Avıakompanııanyń kommersııalyq dırektory Nıkolaı Býrıakovtyń aıtýynsha, Nur-Sultan - Ulan-Batyr baǵytyndaǵy alǵashqy reıs 2 maýsymda júzege asady.
«Meniń oıymsha, bul shyn máninde tarıhı oqıǵa. Qazaqstan men Mońǵolııa astanalary alǵash ret tikeleı reıspen qosylady. Reıster ár beısenbi jáne jeksenbi kúnderi Boeing 7Z7 áýe kemesimen júzege asyrylady. Bir baǵytqa ushý ýaqyty úsh saǵat on mınýtty quraıdy», - dedi Nıkolaı Býrıakov.
Ol jańa baǵyttyń artyqshylyqtaryn atap kórsetti. Onyń aıtýynsha, Nur-Sultan - Ulan-Batyr reısi Almaty, Shymkent, Taraz jáne О́skemen qalalarymen jalǵasqan. Sonymen qatar, reıspen áýekompanııanyń jańa halyqaralyq baǵyttary: ótken jyldyń jeltoqsanynda ashylǵan Dýshanbe reısi jáne 2 maýsymda ashylatyn Nur-Sultan - Praga turaqty jańa reısi túıisedi.
Sondaı-aq áýe kompanııasy jańa reıstiń taǵy bir artyqshylyǵy týraly habarlady. Nıkolaı Býrıakovtyń aıtýynsha, jańa baǵyttaǵy jolaýshylardyń Ulan-Batyrdan Japonııaǵa, Koreıaǵa jáne Qytaıǵa arnaıy tarıf boıynsha ushýǵa múmkindigi bolady.
«Bir baǵytqa ushatyn reıs quny 240 dollardan bastalady jáne onda baryp-kelý kelý quny 470 dollardan bastalady. Bizdiń elimizdiń azamattaryna Shyńǵyshannyń otanyn kórý, ekotýrlar jasaý qyzyqty bolady dep oılaımyn jáne Mońǵolııa turǵyndaryna Qazaqstandy kórsetý óte mańyzdy», dep tolyqtyrdy Nıkolaı Býrıakov.
