Saılaý • 30 Mamyr, 2019

Saılaý zańdylyǵynyń talaptary saqtalady

859 ret kórsetildi

Ortalyq saılaý komıs­sııasynyń buqaralyq aqparat quraldarymen jáne qoǵamdyq birlestiktermen ózara is-qımyl bóliminiń bas konsýltanty Venera Jeksembekova jýrnalısterge elimizde bolyp jatqan saılaý prosesi týraly aqparatqa keńinen qol jetkizýdi qamtamasyz etý úshin Ortalyq saılaý komıssııasynyń ınternet jelisinde ózindik saıty bar ekenin eske saldy.

Al saılaý týraly zań buzý­shylyqtar boldy dep eseptelse, zań buzýshylyq jasalǵan kún­nen bastap on kúnniń ishinde joǵary turǵan saılaý komıssııa­laryna, sotqa nemese prokýratýra organdaryna júginýge bolady. Sol sııaqty osy saılaýdy uıymdastyrý men ótkizýge baılanysty adamdy tolǵandyratyn máseleler boıynsha aýmaqtyq, okrýgtik nemese ýchaskelik saılaý komıssııalaryna habarlasýǵa múmkindik jasalǵan. Demek, mun­daı jaǵdaıda kez kelgen saılaý­shynyń zańdy jaýap alýyna quqyǵy bar degen sóz.

Máselen, Konstıtýsııalyq zańnyń talaptaryna sáıkes máli­metterdi bermegen nemese jarııalamaǵan, saılaý komıs­sııasynyń óz quzyreti she­ginde qabyldaǵan sheshimin oryn­damaǵan, saılaý aldyndaǵy úgitti saılaý kúni, ne sonyń aldynd­aǵy kúni júrgizgen, saılaý aldyndaǵy úgit júrgizý qu­qy­ǵyna kedergi keltirgen já­ne kan­dıdattar men saıası partııa­lar týraly kórineý jal­ǵan málimetter taratqan nemese olardyń ar-namysy men qadir-qasıetine nuqsan kel­tiretin ózge de is-áreketter ja­sal­ǵan ja­ǵ­daıda Qazaqstan Respýb­lıka­­synyń zańdarynda belgi­lengen ákimshilik jáne ózge de jaýap­tylyq qarastyrylǵan.

Sonymen qatar saılaý komıssııasy músheleriniń quqyqtaryn jáne azamattardyń saılaýshylar tizimimen tanysý quqyǵyn buzǵan, saılaýshylar tizimderin jasaý úshin saılaýshylar týraly jalǵan málimetter bergen, basqa adamdar úshin daýys berý maqsatymen azamattarǵa saılaý bıýlletenderin bergen nemese saılaýǵa qatysý úshin demalys bermegen, buqa­ralyq aqparat quraldary arqyly saılaý aldyndaǵy úgit júr­gizý talaptaryn buzǵan, anonımdi úgit materıaldaryn da­ıyndaǵan nemese taratqan, úgit materıaldaryn qasaqana joıǵan nemese zaqymdaǵandar da jaýaptylyqqa tartylady. 

Sondaı-aq kandıdattarǵa, partııalyq tizimderin usynǵan saıası partııalarǵa olardyń saılaý qorlarynan tys qarjylyq (materıaldyq) qoldaý kórsetken, kandıdatty saılaý úshin shet memleketterden, uıymdardan, azamattardan, azamattyǵy joq adamdardan kómek alǵan, saı­laýǵa baılanysty qoǵamdyq pikirge suraý salý júrgizýdiń ta­laptaryn buzǵan, saılaýda kandıdattardyń, saıası par­tııa­lardyń senim bil­dirilgen adam­darynyń, buqaralyq aq­parat quraldarynyń ókilde­ri men baıqaýshylardyń zańdy qyzmetine kedergi keltir­gen jaǵ­­­daıda Qazaqstan Respýblı­ka­synyń zańdarynda belgilengen ákimshilik jáne ózge de jaýap­tylyqta bolady. 

Daýystardy sanaý nátıjeleri týraly hattama bir paraqtyń eki jaǵyna basylady. Hattamaǵa saılaý komıssııasynyń tóraǵasy men komıssııa músheleri qol qoıady. Saılaý komıssııasynyń tóraǵasy bolmaǵan jaǵdaıda onyń ornyna hattamaǵa saılaý komıssııasy tóraǵasynyń orynbasary nemese hatshysy qol qoıady. Hattamany qaryndashpen jáne ár tústi sııalarmen toltyrýǵa, sondaı-aq olarǵa qandaı da bir túzetýler engizýge jol beril­meıdi. Bul rette daýys berý ná­tı­jeleriniń sandyq máni sóz­ben jazylyp qaıtalanýy tıis. Daýys­tardy sanaý nátıjeleri týraly hattamanyń kóshirmesi jal­py jurttyń tanysýy úshin aýmaqtyq saılaý komıssııasynyń úı-jaıynda ilinedi.

Aýmaqtyq saılaý komıssııa­synda qatysyp otyrǵan adam­­nyń tilegi boıynsha qory­tyn­dy shyǵarylǵan kezde oǵan ko­mıs­sııa tóraǵasy men hatshy­sy­nyń qol­dary qoıylyp, saılaý ko­mıs­sııasynyń mórimen kýálan­dy­ryl­ǵan hattamanyń kóshir­mesi beriledi. Daýystardy sanaý ná­tıjeleri týraly hat­ta­malarǵa qol qoıylǵannan keıin olar dereý oblystardyń, Nur-Sultan, Almaty, Shymkent qala­la­ry­nyń saılaý komıssııalaryna usy­nylady. 

Oblystyń, Nur-Sultan, Al­maty, Shymkent qalalarynyń saılaý komıssııalary  OSK-ǵa daýystardy sanaý nátıjeleri týraly hattamany hattama ja­­salǵan kúnnen bastap eki kúndik merzimnen, ıaǵnı 11 maýsymnan keshiktirmeı usy­nady. Ýchaskelik saılaý komıssııalarynyń hat­tama­larynda qateler, sáıkes­sizdik­ter anyqtalǵan kezde, son­daı-aq daýysty sanaýdyń du­rystyǵyna kúmándanǵan kezde, tıisti joǵary turǵan saılaý ko­­mıssııasy tıisti ýchaskelik (aýma­qtyq) saılaý komıssııasy saılaýshylarynyń daýysyn qaı­ta sanaý týraly sheshim qabyl­daýǵa haqyly.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar