«О́zderińizge belgili, Memleket basshysy Qasym-Jomart Toqaev ant berý rásiminde Tuńǵysh Prezıdent - Elbasy Nursultan Nazarbaevqa «Qumetti Senator» mártebesin berý jóninde usynys jasaǵan bolatyn. Memleket basshysynyń usynysyn qoldaı otyryp, Senat bıýrosynyń músheleri «Qumetti Senator» mártebesi týraly ereje bekitti. Erejege sáıkes, «Qurmetti Senator» mártebesin berý jóninde sheshim Senat otyrysynda qabyldanady» dep túsindirdi Senat tóraǵasy Darıǵa Nazarbaeva.
О́z kezeginde senator Talǵat Musabaev Qazaqstan parlamentarızmin damytý úderisi Elbasynyń aqylǵa salynǵan saıası strategııasynyń nátıjesi bolyp otyrǵanyn atap ótti.
«Bıliktiń barlyq tarmaqtary arasynda tepe-teńdik júıesin qurý arqyly el Parlamenti tek zań shyǵarý tetigine ǵana emes, memlekettiń ornyqty damýyna baǵyttalǵan maqsattaryna da jaýap beretin bedeldi memlekettik organ boldy. Sondyqtan Nursultan Ábishuly Nazarbaevqa «Qurmetti Senator» mártebesin berý týraly usynylǵan ıdeıany ýaqytyly jáne durys dep sanaımyn» dedi T. Musabaev.
Qazaqstan Respýblıkasy Tuńǵysh Prezıdenti - Elbasynyń demokratııalyq, zaıyrly, quqyqtyq jáne áleýmettik memleket retinde konstıtýsııalyq-quqyqtyq negizderin qalyptastyrýdaǵy, sondaı-aq otandyq parlamentarızmdi ornyqtyrýdaǵy jáne damytýdaǵy sińirgen tarıhı eńbegin, Konstıtýsııany, adamnyń jáne azamattyń quqyqtary men bostandyqtaryn qorǵaýdy, qoǵamnyń birligin qamtamasyz etýge, eldiń strategııalyq damý baǵdaryn aıqyndaýǵa qosqan asa zor úlesin moıyndaı otyryp, QR Parlamenti Senaty Elbasy Nursultan Nazarbaevqa «Qurmetti Senator» mártebesin berý týraly sheshimdi qabyldady.
«Búgin biz tarıhı sheshim qabyldadyq. Táýelsiz Qazaqstannyń negizin qalaýshy QR Tuńǵysh Prezıdenti Nursultan Ábishuly Nazarbaevqa «Qumetti Senator» mártebesin berý - Elbasynyń jańa Qazaqstandy qalyptastyrý men damytýǵa qosqan tarıhı úlesi men Qazaqstan qoǵamyn toptastyrýǵa sińirgen orasan zor eńbegine berilgen ádil baǵa men qurmet dep sanaımyn», - dedi Senat spıkeri D. Nazarbaeva.
