О́ńir basshysy mektepte oqýshylardy tamaqtandyrý máselelerine qatysty kóptegen aryz-shaǵym túsetinin málimdep, «Balalardy sapaly tamaqtandyrý úshin óńir bıýdjetinen qomaqty qarajat bólinedi. Sondyqtan bul baǵyttaǵy máseleler tıisti sheshimin tabýy tıis» dedi. Aýdandar men Oral qalasy ákimderine mektepke deıingi jáne orta bilim berý salasynda jumys sapasyn arttyrý boıynsha atqarylatyn jumystarǵa keshendi taldaý júrgizý tapsyryldy.
«Aǵaıyn» qazaq etnomádenı birlestiginiń tóraǵasy Maqsot Bergen alǵashqy medıko-sanıtarlyq járdemniń qoljetimdiligi jáne medısınalyq qyzmet sapasy memlekettiń eń basty qundylyǵy – ult densaýlyǵyna yqpal etetinin aıtty.
О́ńirde dáriger mamandardyń jetispeýshiligi de bar, oblys ortalyǵynda medısınalyq mekemeler de qajet. A.Kólginov Oral qalasyndaǵy kópbeıindi aýrýhana janynan jańa kardıoortalyq salý máselesi josparlanyp, qarajat qarastyrylǵanyn málimdedi. Jańa kardıoortalyq qurylysy 2020 jyly bastalmaq. Sondaı-aq Oral qalasynda jańa №7 emhana ashý qajettiligi týyndaǵan. О́ńir basshysy qalalyq aýrýhana jańa ǵımaratqa kóshken kezde bosaǵan korpýsty «Qarashyǵanaq» kompanııasynyń qarajaty esebinen kúrdeli jóndeýden ótkizip, emhanaǵa aınaldyrý josparymen bólisti.
Batys Qazaqstan oblysynyń agroónerkásip kesheni áleýetin damytý týraly baıandama jasaǵan óńirlik Qazaqstan halqy Assambleıasy Qoǵamdyq kelisim keńesiniń múshesi Jeńis Saǵıdýllın salada eńbek ónimdiligin arttyryp, aýyl sharýashylyǵy ónimderin óńdeý, zamanaýı agrotehnologııany qoldaný, sheteldik bilikti mamandardyń tájirıbesin paıdalaný týraly máselelerdi kóterdi. Aldaǵy ýaqytta aýyl kásipkerlerin sharýashylyq júrgizýdiń jańa ádisterine úıretetin kýrstarda jappaı oqytý josparlanǵan.
