«Osy bastamanyń arqasynda 12 mıllıonnan astam bastaýysh mektep túlekteri, 5 mıllıon orta mektep túlekteri jáne 500 000-ǵa jýyq kolledj túlekteri jyl saıyn 175 mıllıon jańa aǵash otyrǵyzatyn bolady», deıdi zań avtorlarynyń biri Garı Alehano.
Onyń aıtýynsha, oryndaý barysy eshkimge qıyndyq týǵyzbaıtyn qarapaıym mindettiń áseri keremet bolmaq.
Qazirgi ýaqytta joba boıynsha saraptamalyq qorytyndy daıyndalýda. Otyrǵyzý úshin iriktelgen aǵash túrleri árbir naqty orynǵa, onyń klımaty men relefine sáıkes bolýy tıis. Aǵashty mangr toǵaılar men ormandarda, paıdaly qazbalar óndiretin jerlerde jáne jekelegen qalalyq aýdandarda, sondaı-aq, qorǵalatyn aýmaqtar men áskerı polıgondarda otyrǵyzý josparlanýda.
Qazirgi jastardyń bir býyny jalpy alǵanda eldi 525 mıllıard aǵashpen kógaldandyrady. Tipti kóshetterdiń tek 10%-y ósken jaǵdaıdyń ózinde, bul - 525 mıllıonǵa teń.
Fılıppınder HH ǵasyrda jasyl jelektiń bolmaýynan qatty zardap shekti. Eger buryn ormandar aýmaqtyń 70%-yn japsa, búgingi tańda bul kórsetkish 20%-ǵa deıin qysqardy. Kóptegen jergilikti aýdan men aýyldardy sý tasqyny men kóshkinderden qorǵaýda aǵashtyń mańyzy zor. Al ormandy zańsyz kesý – ózekti ekologııalyq problemanyń biri.
