Kıno • 31 Mamyr, 2019

Apta fılmi: «Godzılla 2: monstrlar patshasy»

781 ret kórsetildi

Gollıvýd she­ber­leriniń bul jolǵy týyndy­synda jalpy adamzat bala­syn, jer ǵa­lamsharyn qut­­qarý ıdeıa­sy saltanat qurypty. «God­zılla 2: mons­trlar patshasy» kartınasy Qazaq­stan kınoteatrlarynda 30 mamyrdan bastap kórsetile bastady.

Japon pop mádenıetinde tutas baǵytqa aınalǵan monstrlar (Godzılla, Motra, Rodan, Kıng Gıdor) kúresi alpys jyldan beri nebir shyǵarmalarǵa arqaý bolyp keledi. Maıkl Dogertıdiń rejısserligimen jaryqqa shyqqan amerıkalyq fantastıkalyq boevık 2014 jyly túsirilgen Godzılla fılminiń jalǵasy. Kınotýyndy sıýjeti Godzıllaǵa arqa súıegen adamdar men álemdi qıratýǵa bet alǵan patsha Gıdor men onyń jaqtastaryna qarsy qyrǵı-qabaq kúresine qurylǵan. Alǵashqy túsirilý jumystary 2017 jyly 19 maýsymda Atlantada bastalyp, keı jekelegen bólimderi Mehıkonyń tarıhı ortalyqtarynda jalǵasty. Rejısser bas personaj Godzıllaǵa qudaılyq sıpat ústeýdi qalap, jyrtqyshtyq aıbaryn asyrý úshin tyrnaqtary men aıaǵyn birneshe esege úlkeıtip, daýysyn zoraıtqan. Onyń aıtýynsha, bul 1954 jylǵy túpnusqa obrazǵa birshama jaqyn.

Al fılmniń partıtýrasy kompozıtor Bear Makkrırıge júkteldi. «Jobaǵa qatysýǵa shaqyrtý alǵanda qatty tańdandym. Men úshin bul úlken mártebe. Súıikti monstrlarymyz úshin mýzy­kanyń bar múmkinshiligin paıdalanamyn», deıdi ol. Týyndynyń jaryq juldyzdary – Vera Farmıga, Ken Vatanabe, Sallı Hokıns,Chjan Szyı jáne ózgeler. Kartına kórnekiligi men mýzykalyq súıe­mel­deýi, ekshn-sahnalary turǵysynan synshylar tarapynan oń baǵaǵa ıe boldy.

31 mamyrdan bastap AQSh pen Kanadanyń 4100 kınoteatrynda kórsetilip, alǵashqy demalys kún­derinde-aq 55-65 mıllıon AQSh dollary kóleminde tabys túsedi dep boljanyp otyr. Aldyńǵy fılmniń naqty bıýdjeti aıtylmaǵanymen, 160 mln AQSh dollary jumsalǵandyǵy uzyn qulaqtan estilip qalǵan bolatyn. Rejısser Garet Edýards túsirilim toby 400 adamnan turatyn mundaı úlken bıýdjetpen jumys isteý ádetten tys bolǵanyn moıyndaǵan edi.

 

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar