Bul joly da shırek fınaldamyz
Seısenbi, 5 aqpan 2013 7:25
Qazaqstannyń erler quramasy taǵy da otandastaryn qýantty.
Jeksenbi kúni Dıas Dosqaraev basqaratyn qurama komandamyz Avstrııa tennısshilerin úsh kúngi nátıjeni sanaǵanda 3:1 esebimen utyp, Devıs kýbogynyń shırek fınalyna joldama aldy.
Seısenbi, 5 aqpan 2013 7:25
Qazaqstannyń erler quramasy taǵy da otandastaryn qýantty.
Jeksenbi kúni Dıas Dosqaraev basqaratyn qurama komandamyz Avstrııa tennısshilerin úsh kúngi nátıjeni sanaǵanda 3:1 esebimen utyp, Devıs kýbogynyń shırek fınalyna joldama aldy.
Bul synda bizdiń jigitter qarsylastaryna eshqandaı múmkindik bermedi. Birinshi kúni Andreı Golýbev pen Evgenıı Korolev avstrııalyq Andreas Haıder-Maýrer men Iýrgen Melserdi utsa, úshinshi kúni Golýbev bir ózi kezdesýdiń sońǵy núktesin qoıdy.
Osy kezdesýde Melser alǵashqy settiń úsh geımin óz paıdasyna sheshse de (4:6), odan keıingi setterde Golýbevten aılasyn asyra almady. Al, qazaqstandyq tennısshi bolsa, ekinshi setten bastap kúsh-jigerin janyp, tordyń arǵy jaǵyndaǵy qarsylasyn biraz júgirtti. Ol Iýrgen Melserden ekinshi sette 6:3, úshinshisinde 6:4, al sońǵy sette 6:2 esebimen basym tústi.
Osydan keıin Avstrııa quramasy besinshi oıynnan bas tartty. Endi komanda kapıtany Dıas Dosqaraev basqaratyn Qazaqstan quramasy shırek fınalda Chehııamen kezdesedi. Bul komandamen biz 2011 jyly kezdeskenbiz. Sol kezde Devıs kýbogynyń 1/8 fınalynda chehtardy óz jerinde utyp, shırek fınalda Argentına komandasymen kúsh synasqan bolatynbyz. Bul joly chehtar sol jyly ketken eseni qaıtarýǵa tyrysatyny sózsiz. Oǵan eshqandaı kúmán joq. Olar syrt alańda Shveısarııany 3:1 esebimen jeńip, shırek fınalǵa joldama alyp otyr.
Chehııamen kezdesý 5-7 sáýir kúnderi ótedi. Ázirshe onyń ótetin orny belgisiz. Bizge salsańyz, shırek fınaldyq matchtyń Astanada ótkeni jaqsy. О́ıtkeni, óz elimizde ótse, tennısshilerimiz jankúıerlerdiń qoldaýyna ıe bolyp, qarsylastaryna ese jibermeýge barynsha tyrysyp baǵatyny sózsiz. Sol kezge qaraı elimizdiń birinshi raketkasy Mıhaıl Kýkýshkın de quramaǵa qaıta qosylatyn bolady.
Bizdiń quramadan basqa, shırek fınalda Ispanııany 3:2 esebimen jeńgen Kanada Horvatııany dál osyndaı eseppen utqan Italııamen, Fransııa Argentınamen jáne Serbııa AQSh nemese Brazılııa komandasynyń bireýimen kezdesedi. Fransııa men Argentına Izraıl men Germanııany birdeı 5:0 esebimen utty.
Dastan KENJALIN,
«Egemen Qazaqstan».
