Sharaına

Seısenbi, 5 aqpan 2013 7:29

Izraıl Sırııaǵa shynaıy bet-beınesin kórsetti

Izraıl áskerı áýe kúshteriniń Sırııa aýmaǵyna soqqy jasaýy Taıaý Shyǵysta soǵysqa ulasýy múmkin jańa shıelenis týyndatty.
Soqqy 30 qańtarǵa qaraǵan túni ja­salǵan. Osy kúni kúndiz Lıvan armııasynan ızraıldik ushaqtar sońǵy táýlikte 3 ret áýe keńistigin buzdy degen habarlar túsken bolatyn.

Seısenbi, 5 aqpan 2013 7:29

Izraıl Sırııaǵa shynaıy bet-beınesin kórsetti

Izraıl áskerı áýe kúshteriniń Sırııa aýmaǵyna soqqy jasaýy Taıaý Shyǵysta soǵysqa ulasýy múmkin jańa shıelenis týyndatty.
Soqqy 30 qańtarǵa qaraǵan túni ja­salǵan. Osy kúni kúndiz Lıvan armııasynan ızraıldik ushaqtar sońǵy táýlikte 3 ret áýe keńistigin buzdy degen habarlar túsken bolatyn. Alǵashqy nysana reseılik ǵalym­dardyń basshylyǵymen jappaı qyryp-joıa­­tyn qarý úshin jıyntyqtar jasaý jumystary júrýde dep esepteletin Damask mańyndaǵy CERS ǵylymı-zertteý ortalyǵy boldy. Ekinshi soqqy reseılik «Býk-M1-2» zenıtti raketaly keshen nemese «Iаhont» korablge qarsy raketalar bar delingen konvoıǵa jasalǵan. Osyǵan qarap-aq ızraıldik ÁÁK shynymen de tabysty áýe shabýylyn jasady dep qorytyndy shyǵarýǵa bolatyndaı.

Kastro teledıdardan kórindi

Kýbanyń eks-lıderi Fıdel Kastro sońǵy birneshe aı ishinde alǵash ret teledıdardan kórindi. Bul týraly «Bı-bı-sı» habarlap otyr.
Búginde jasy 86-ǵa tolǵan Kastro Ulttyq assambleıa saılaýyna qatysý úshin saılaý ýchaskesine kelgen. Burynǵy memleket basshysynyń sózine qaraǵanda, ol saılaýshylarmen áńgimelesip ýchaskede bir saǵattaı ýaqyt ótkizgen. Fıdel Kastro úıine qaıtý úshin óz mashınasyna otyrǵan kezde jınalǵan jurt onyń avto­kóligin qorshap alyp, Kýba revolıýsııasynyń lıderin qoshemet kórsetip shyǵaryp salǵan. BAQ-tardyń málimetinshe, Kastro sońǵy úsh jyl boıy úıinde otyryp daýys bergen kórinedi.

Egıpet oppozısııasy tóńkeriske daıyn

Kaırdegi, Port-Saıdtegi jáne Egıpettiń basqa da qalalaryndaǵy qantógiske soqtyrǵan qaqtyǵystardan keıin oppozısııa prezıdent Mohammed Mýrsıdiń dereý otstavkaǵa ketýin talap etip, onymen ún qatysýǵa barýdan bas tartyp otyr.
Oppozısııalyq «Ulttyq qutqarý maı­­danynyń» basshylary narazylyq aksııasyna qosylyp qana qoımaı, sonymen birge oǵan basshylyq jasaýǵa daıyn ekenin de sezdirgen. Oppozısıonerler mundaı batyl ustanymǵa birden emes, birshama tol­qý­lardan keıin kelgen kórinedi. Arnaıy má­limdemede «Ulttyq qutqarý maıdany» Egıpet halqynyń úndeýlerine qosylatynyn jáne qazirgi rejimdi qulatýǵa qol jetkizetinin habarlaǵan.

Olland jeńisti toılaý úshin Malıge keldi

Fransııa prezıdenti Fransýa Olland ótken senbi kúni Malıge kelip, jergilikti memleket basshysy Dıonkýnda Traoremen kezdesken jáne fransýz armııasy soǵys qımyldaryn júrgizgen jerlerde bolǵan.
Ishki ister mınıstri Loran Fabıýs jáne qorǵanys mınıstri Jan-Iv Le Drıannan basqa Fransýa Ollandtyń qasynda eldiń damý mınıstri Paskal Kanfen de bar kórinedi. Urys maıdanynda jedel jeńiske jetetinine túpkilikti sengen Parıj Malı aýmaǵyndaǵy terrorshylarǵa ekonomıkalyq shabýyl jasaýǵa kó­ship otyr. Terrorshylarǵa qarsy soǵysty tek zeńbirektiń kóme­gimen ǵana jeńý múmkin emes. Eldi ekonomıkalyq damytý ǵana Malıdiń soltústigine jıhadshylardyń qaıta oralýynyń aldyn alatyn bolady, dep atap kórsetken Parıjdegi saıası zertteýler ınstıtýtynyń mamany Kader Abderrahım.

Ispanııadaǵy jaǵdaı qaıta shıelenisti

Ispanııa premeri Marıano Rahoı ózine taǵylǵan jemqorlyq týraly aıyptaýdy teriske shyǵarǵan bette Madrıdte jáne eldiń ózge de qalalarynda stıhııaly ereýilder bastaldy.
Úkimet basshysy el azamattaryna ar­naǵan úndeýinde óziniń aılyq eńbek­aqy­syna beıresmı ústeme almaǵanyn aıtqan bolatyn. Ol óziniń banktik esep­shot­ta­ryndaǵy búkil málimetterdi jarııalaý týraly ýáde de berdi. Al oppozısııalyq so­sıalıstik par­tııanyń lıderleri premerdiń otstavkaǵa ketýin talap etýde. Sonymen birge, Ispanııanyń álemdik daǵdarys zardaptaryn óz basynan óte aýyr jaǵdaıda ótkizip otyrǵan eýropalyq memleketterdiń biri ekenin de aıta ketý qajet.

Obama áıelderdi soǵysqa jiberýge daıyn

AQSh prezıdenti Barak Obama Pentagonnyń áskerı qyzmettegi áıelderdiń soǵys is-qımyldaryna qatysýyna salynǵan tyıymnyń kúshin joıý týraly taıaýdaǵy bastamasyna túsinikteme berdi.
Prezıdent áıelderdi urys maıdandaryna jiberý jóninde buı­ryq berýge daıyn ekenin atap kórsetken. Ol áıelderdiń is jú­zinde urystarǵa burynnan beri qatysyp júrgenin aıta kelip, ondaı tájirıbege óziniń qarsy emes ekenin bildirgen. Obama áskerı vedomstvonyń sheshimi durys, óıtkeni ol názik jandy­lardyń múmkindikterin keńeıte túsýge baǵyttalǵan dep esepteıdi. Aıta ketý kerek, búginde 1,4 mln. amerıkalyq soldattardyń 14 paıyzyn áıelder quraıdy.

Brazılııada sottalǵandar túrmeden qashty

Brazılııanyń astanasy Rıo-de-Janeıroda sottalǵandar osyndaǵy túrmelerdiń birinen jappaı qashyp shyqqan. Jıyrmadan astam qylmysker túzeý mekemesiniń kanalızasııalyq týnneli arqyly qashqan kórinedi.
Túrme qyzmetkerleriniń aıtýlarynsha, oqıǵanyń izin sýytpaı turyp tórt qash­qyndy ustaýdyń sáti túsken. Sonymen bir­ge qashqyndardyń kanalızasııadan áli de shyǵyp úlgirmeýine baılanysty qalǵan­darynyń da jaqyn arada ustala­tyn­dy­ǵyna senim mol. Sottalǵandar qashyp shyq­qan túrmeniń syıymdylyǵy 1700 adam­dy qu­raıtyn kórinedi.

Internet materıaldary negizinde ázirlendi.