Bashar Asad qashanda keshigip qalady
Juma, 22 aqpan 2013 7:02
Damaskiden bir jaqsy habar estildi. El prezıdenti Bashar Asad alǵash ret qarýly oppozısııa ókilderimen kelissóz júrgizýge yqylas bildiripti. Bul jónindegi habardy eldiń ulttyq kelisim jónindegi mınıstri Alı Haıdar aıtty.
Juma, 22 aqpan 2013 7:02
Damaskiden bir jaqsy habar estildi. El prezıdenti Bashar Asad alǵash ret qarýly oppozısııa ókilderimen kelissóz júrgizýge yqylas bildiripti. Bul jónindegi habardy eldiń ulttyq kelisim jónindegi mınıstri Alı Haıdar aıtty.
Jaqsylyq habar ekeni daýsyz. Biraq oǵan bir túrli kóńil senbeıdi. О́ıtkeni, sol Bashar Asad buǵan deıin kóterilisshilermen eshqandaı kelissózge barmaıtynyn talaı ret málimdegen. Resmı bılik ókilderi kóterilisshilerdi lańkester sanaıdy. Tipti Asadtyń ózi satqyndarmen jáne Batysta jasalǵan qýyrshaqtarmen eshqandaı ún qatysý múmkin emes dep shegelep aıtqan.
Kelissózge barýdy oǵan BUU Qaýipsizdik Keńesi men Arab memleketteri lıgasy da talaı ret usynǵan. Osy eki uıymnyń aıyryqsha bedeldi ókili Kofı Annan Bashar Asadpen birneshe ret kezdesip, ony kóterilisshilermen, oppozısııa ókilderimen kelissózge otyrǵyza almaǵan. Onyń mundaı tońmoıyndyq kórsetýiniń basty sebebi – Asadtyń josyqsyz qyńyrlyǵyna Reseı men Qytaıdyń qoldaý kórsetýi. BUU Qaýipsizdik Keńesi tarapynan Damaskige qatqyldaý shara qoldaný jónindegi BUU Qaýipsizdik keńesiniń sheshimi ázirlense, oǵan atalǵan eki el veto quqyn paıdalanyp, ony qabyldatpaı tastaıdy.
Halyqtyń talabyna kezinde qulaq aspaý, qulaq assa da keshigip qulaq asý Bashar Asadtyń túbine jetip otyrǵan aýrý dese de bolǵandaı. «Arab kóktemi» bastalyp, onyń tolqyny Sırııaǵa jetkende, ázirge qarýlanbaǵan halyq prezıdentten eldegi tótenshe jaǵdaıdy joı, úkimetti aýystyr, oǵan halyqty qatystyr degen talap qoıdy. Endi elde otyz jyldan asa ýaqyt tótenshe jaǵdaıdyń ornap kelgeni estigen qulaqqa da ersi jaı. Bir qıyn-qystaý kezeń emes, turaqty túrde tótenshe jaǵdaıda ómir súrý degen sumdyq. Sony bile turyp Asad ony joıýdan bas tartty.
Kóterilgen halyq munymen kelispedi. Kóshege shyǵyp, kúshin kórsetti. Dál osyndaı kúshpen halyqtyń biraz eldiń basshylaryn qulatqanyn kórgen Asad tótenshe jaǵdaıdy joıyp, halyqqa tilekterińdi oryndadym degende, endi óziniń kúshine kózi jetken halyq: munyń kesh, degendi aıtty. Úkimetti ornynan túsirý jónindegi talap ta osylaı boldy. Aldymen kónbeı, keıin keliskenine halyq kónbeı, qarýly kúreske shyqty. Ol búgingi deıin sozylyp keledi. Sonyń saldarynan 70 myńdaı adam qaza tapty.
Joǵaryda aıtylǵandaı, Bashar Asadqa oppozısııa men kelissózge otyrý jóninde talaı usynys jasalǵan, oǵan prezıdent kónbegen. Endi óziniń usynys jasaǵanyna kóńil senbegenmen, bul sátti paıdalanǵan jón-aq. Mınıstr Alı Haıdar sendirip otyr: «El prezıdenti bizge saıası turǵyda qarsylastardyń árqaısymen kelissóz júrgizýge tyrysamyz, tipti qarý qoldanýshylarmen de kelissóz júrgizýge áreket jasaımyz dedi», – deıdi ol.
Kelissózdiń bolǵany jaqsy. Ony Eýroodaq syrtqy saıasat jetekshisi K.Eshton da quptaıdy. Ol bul rette Sırııanyń oppozısııalyq koalısııasynyń kósemi Mýaz Ál-Hatybtyń saıası únqatysýǵa ázirligin alǵa tosady. Sóıtse de kelissóz ońaıǵa soqpasa kerek. Ál-Hatyb biraz shart qoıady. Onyń biri – bılik 160 myń saıası tutqyndy bosatsyn, deıdi. Bashar Asadtyń mundaı talapty oryndaýy qıyn-aq. Al oryndamasa, onyń jaǵdaıy odan da qıyndaýy ábden múmkin. Sirá, bul prezıdenttiń sońǵy múmkindigi shyǵar. Bul joly keshiger bolsa, ol múldem keshigedi.
Mamadııar JAQYP,
«Egemen Qazaqstan».
