Aımaqtar • 10 Maýsym, 2019

Uly dala hıkaıalary

299 ret kórsetildi

Kóne Taraz shaharynda zamanaýı óner týyndylaryn jurtshylyqqa nasıhattaý maqsatynda tuńǵysh ret «Uly dala hıkaıalary» atty sýret kórmesi ashyldy.

Kórmege qoıylǵan halqy­myzdyń baı tarıhynan syr shertetin týyndylardy tamashalaý maqsatynda taraz­dyq turǵyndar Jambyl ob­lystyq qazaq drama teatry­na qaraı aǵyldy. Munda músin, keskindeme, grafıkalarmen qatar, ınstallıasııa, performans, vıdeo jáne medıa-art baǵyttary da qamtylǵan. «Uly dala hı­kaıa­lary» atty sýret kór­mesine Jambyl oblysy áki­miniń oryn­basary Sulý­shash Qur­man­­bekova arnaıy baryp, kórme ju­mysymen tanysty.

Taraz tórinde uıymdas­tyrylǵan kórme barysynda kórermenderge Alma­gúl Meńlibaeva, Sáý­le Sú­leı­menova, Rashıd Nú­rekeev jáne As­hat Ahmedıarov syndy 10-nan astam tanymal sýret­shilerdiń týyndylary tanys­tyryldy. Al atalǵan kór­meniń halyqaralyq je­tekshisi Lıza Ahmadıdiń aı­týynsha, bul týyndylar álemniń 20-dan astam elinen joǵary baǵasyn alǵan. Sý­retshilerdiń shyǵar­ma­la­rynda kóshpendi­lerdiń salt-dástúri, jal­py dala mádenıeti qam­tyl­ǵan. Al osynaý ulttyq qundy­lyq­tardy óner ti­linde sóı­letý úshin osy sa­ladaǵy búkil álemniń eń ozyq jáne meı­linshe sheberlik úlgi­lerin qoldanýǵa barlyq múmkindik jasal­ǵan. So­nymen qatar, kórme jetek­shisi kórermen nazaryna usynylǵan týyndylar ulttyq bolmysymyzdy aı­shyqtap, óner jáne máde­nıet, tabıǵat tamashalary sııaqty qundylyqtardy sý­retteıtindigin aıtady.

Taraz turǵyndary al­daǵy bir aı boıy Jambyl oblystyq qazaq drama teatry­na baryp, kórmeni te­gin tamashalaı alady. Bu­dan keıin kóshpeli kórme kerýeni Syr boıyna, ıaǵnı Qyzyl­orda qalasyna qaraı jol tartatyn bolady.

 

Jambyl oblysy

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar