Onyń jarqyn bir úlgisine jýyrda О́zbekstan Respýblıkasynyń Horezm oblysymen naqty áriptestik kelisimge qol jetkizilip, alǵashqy qadamdar jasalǵanyn aıtqan jón. Aımaq basshysy Qumar Aqsaqalov «aýyly aralas, qoıy qoralas» irgeles kórshi elden kelgen delegasııany qabyldap, berik baılanys ornatý syndarly kezdesýdiń negizgi ózegine aınaldy. Qumar Irgebaıuly óz sózinde Qazaqstan О́zbekstan úshin senimdi strategııalyq áriptes ekenin atap ótti. «Biz óńirlik deńgeıde jumys isteýge árkez ázirmiz. Birlesken jobalardy júzege asyrýdyń múmkindikteri mol. Qyzyljardyń topyraǵy qunarly. Jylyna shamamen bes mıllıon tonnadaı sapaly astyq jınalady. 2017 jylǵa qaraǵanda О́zbekstanmen saýda-sattyq kólemi 55 paıyzǵa ulǵaıdy. Kóbine bıdaı eksporttalady. Ol jaqtan maqta-mata ónimderi, jemis-jıdek tasymaldanady», dedi ol.
Horezm oblysy hokıminiń birinshi orynbasary, delegasııa jetekshisi Kýdratbek Igambergenovtyń aıtýynsha, oblys Orta Azııadaǵy eń kóne aımaqtardyń biri sanalady. Kólik ınfraqurylymy jaqsy órkendegen. Jemazyq, jibek, áınek, kólik shyǵaratyn kásiporyndar jumys isteıdi. Syrtqy saýda aınalymy bıyl 242 mıllıon dollardy qurasa, Qazaqstannyń eksporty 72 mln dollar. Jylyna 250 myń tonna maqta, 490 myń tonna bıdaı, 1 mıllıon tonnadan astam kókónis óndiriledi. Úrgenish, Hıýa sekildi týrıstik qalalardy qazaqstandyqtar jıi tamashalaıdy.
Qos taraptyq júzdesý barysynda birikken óndiris oshaqtaryn salý, kásipkerlik salaǵa tyń serpin berý máseleleri de keńinen talqylanyp, birqatar yntymaqtastyq qujattarǵa qol qoıyldy.
Eki óńirdiń bıznes ókilderi qatysqan alqaly basqosýda oblys ákiminiń birinshi orynbasary Marat Tasmaǵanbetov iri kompanııalardy senimdi áriptes bolýǵa shaqyrdy. Maıly daqyldar alqaby bir mıllıon gektarǵa jetip otyr. Jylyna 555 myń tonna sút, 56 myń tonna et óndiriledi. Osynshama kól-kósir shıkizatty óńdýmen aınalysatyn kásiporyndar az, deı kelip, Marat Imanbaıuly ınvestısııalyq ahýaly qolaıly óńirdiń artyqshylyqtaryna, jeńildikti sýbsıdııalar jaıyna toqtalyp ótti. Horezm oblysy ınvestısııalar jáne syrtqy saýda bas basqarmasynyń basshysy Anvar Daýletov erkin ekonomıkalyq aımaqtar qurylǵanyn, ınvestorlar salyq pen kedendik alymdardan bosatylatynyn aıtty. «Kazakhinvest» UK Soltústik Qazaqstan óńirlik dırektorynyń orynbasary Danııar Shalabaev birneshe problemany talqyǵa saldy. Bıdaıdy tereńdetip óńdeıtin, zyǵyr maıyn shyǵaratyn zaýyttar aýadaı qajet. Bizde qant qyzylshasyn ósirýge barlyq alǵysharttar bar.Úırek etin óndirý arqyly da qyrýar tabys tabýǵa bolady, dedi ol.
«V2V» formatynda ótken iskerlik dıalogta «Iаngıbozor Tomorqa hızmatı» agrofırmasynyń ókili Alımboı Madrahımov oblystan asyl tuqymdy iri qara maly men qoı satyp alatynyn málimdese, «Sokırko S.N.» JK dırektorynyń orynbasary Elena Kırıakova fırma mektep formalaryn tigýmen aınalysatynyn, budan bylaı jeıdeler, sporttyq kıimder, taǵy basqa daıyn taýarlardy Horezmge ımporttaıtyndaryn jetkizdi. Shulyq shyǵaratyn jergilikti «Matex» seriktestigi balalar men mektep formalaryn tigetin mata, jip satyp alýǵa, Horezm saýda úıin ashýǵa ýaǵdalasty.
О́zbekstandyq kásipkerler oblys ortalyǵynda eki kún boıy aýylsharýashylyq jármeńkesin uıymdastyryp, jemis-jıdek, bal ónimderin, toqyma jáne qysh buıymdaryn qoljetimdi baǵaǵa usyndy. Satylymǵa 55 myń tonnadan astam aýylsharýashylyq ónimderi shyǵarylyp, qarbyz, qaýyn, órik, shabdaly, shıege suranys kóp boldy.
Soltústik Qazaqstan oblysy
