Jas túlekterdi oblys ákimi quttyqtap,«Jas túlek» festıvaliniń baǵdarlamasy boıynsha halyqaralyq olımpıadalar men túrli baıqaýlarda jeńimpaz atanǵan úzdik 16 túlekti marapattady. Olardyń ishinde ata-anasynyń qamqorlyǵynsyz qalǵan eki altyn belgi ıegerine 500 myń teńgeden,sondaı-aq, úsh "Úzdik attestat"ıegerine 300 myń teńgeniń sertıfıkatyn tabys etti.
"Halqymyzda mektep-keme, bilim teńiz degen jaqsy sóz bar. Bilim aıdynynda eskegi myqty jan ǵana óz degenine jetpek.Bolashaqta máńgilik eldiń bir kirpishi bolyp qalanýlaryńyzǵa shyn júrekten tilektespin"-dedi aımaq basshysy.
Bıylǵy jyly árbir «Altyn belgi» ıegerine oblys ákiminiń atynan quttyqtaý hat pen arnaıy syılyq - qolsaǵat tabystaldy. Aqtóbe oblysynyń «100 jańa esim» jobasyna engen ardagerler, tanymal tulǵalar qalǵan «Altyn belgi» ıegerlerin marapattaý rásimin jalǵastyrdy.Saltanatty shara sońynda jas túlekterdiń qurmetine arnaıy shaqyrylǵan jas ánshi Ábdijappar Álqoja ánnen shashý shashyp, kópshilikke merekelik kóńil-kúı syılady.
