Al sáýir aıymen salystyrǵanda mamyrdaǵy kórsetkish kerisinshe 0,1% azaıyp ketken. Onyń sebebi qordan bólinetin qarajattyń qorǵa túsetin qarajattan kóbeıip ketýi. Aıta keterligi, bıyl mamyrdaǵy kórsetkish 2014 jyldan bergi maksımým retinde tirkelip otyr. Alaıda dollarǵa shaqqanda kórsetkish kerisinshe tómendep ketken bolýy da yqtımal. О́ıtkeni, 2014 jyldyń mamyrynda 13,8 trln teńge bolǵan qarajat 2015 jyly 15,9 trln teńgege jetse, 2016-da 25,5 trln-ǵa deıin jetken. Biraq 2017 jyly kórsetkish 22,9 trln teńgege tómendegenimen, 2018 jyly qaıtadan 23,1 trln teńgege jetken. Jalpy, jyl basynan mamyrǵa deıingi aralyqta Ulttyq qorǵa 1,5 trln teńge túsken. Bul byltyrǵy osy ýaqyttaǵymen salystyrǵanda 14,1 paıyz kóp.
2015 jyldan bastap jyl basyndaǵy bes aıda kórsetkish turaqty tómendep kelgen, bıyl ǵana «plıýske» shyǵyp otyr. Bes aıda túsken qarajattyń barlyǵy derlik munaı salasyndaǵy kásiporyndardyń tólegen salyǵynan quralyp otyr. Munaı kompanııalary osy aralyqtaǵy Ulttyq bank tabysynyń 98,1 paıyzyn berse, qalǵany jalpy kiriske tıesili. Al respýblıkalyq menshiktegi memlekettik múlikti jekeshelendirýden túsken qarajat pen taý-ken jáne óńdeý ónerkásibindegi kompanııalardan túsken tabys byltyrǵy osy ýaqyttaǵydan 65,3% ulǵaıyp, 13 mlrd teńgege jetti. Munaı sektoryndaǵy ózge de operasııalardan túsken tabys bolsa 11,7 mlrd teńgeni qurap, byltyrǵydan 22,1 esege artyp otyr. Sonymen qatar respýblıkalyq bıýdjetten aýdarylatyn maqsatty transfert byltyrǵydan kerisinshe 96,3% azaıyp ketken eken. Al aýyl sharýashylyq jerlerin satýdan túsken kiris te 6,4%-ǵa azaıǵan. О́z kezeginde Ulttyq qordyń shyǵyny da byltyrǵydan 43,3%-ǵa ulǵaıyp, 1,5 trln teńgeni qurady. Esterińizge sala keteıik, byltyr osy ýaqyttaǵy shyǵyn 1,1 trln teńge ǵana bolǵan. Sonyń ishinde kepildendirilgen transferttiń kólemi 1,2 trln teńgege jetti. Byltyr kórsetkish 1,1 trln teńge bolǵan. Iаǵnı, shyǵynnyń bári osy kepildendirilgen transfertke tıesili edi. Bıyl kórsetkishtiń taǵy kóbeıýi Nazarbaevtyń byltyr jyl sońyndaǵy Joldaýda aıtqan áleýmettik baǵdarlamalar men bıznesti qoldaýǵa arnalǵan baǵdarlamalardy qarjylandyrýynan bosla kerek. Sonymen qatar bıyl osyǵan qosa tikeleı ınvestısııa qoryna 370 mlrd teńgeniń aýdarylǵany da belgili. Qordy basqarý men jyl saıynǵy syrtqy aýdıtti jasaý úshin ketken shyǵyn 1,6 mlrd teńgege jetti. Byltyr kórsetkish 11,6 mlrd bolǵan edi.
2019 jyldyń qańtar-sáýirinde Ulttyq qorǵa túsken túsim 1 trln teńgeni qurady.
Bul 2018 jyldyń uqsas kórsetkishimen salystyrǵanda (696 mlrd teńge) 46,7%-ǵa artyq. Aımaqtyq bóliniste túsimderdiń eń kóp kólemin Atyraý oblysy (534 mlrd teńge), BQO (172,3 mlrd teńge) jáne Mańǵystaý oblysy (120,4 mlrd teńge) qamtamasyz etti. Qyzylorda oblysy — 106 mlrd teńge, Aqtóbe oblysy – 44,1 mlrd teńge, Nur-Sultan – 32 mlrd teńge, al Almaty oblysy – 6,6 mlrd teńge tóledi. Túrkistan oblysynan túsken túsimder 3,9 mlrd teńgeni, ShQO – 1,4 mlrd teńgeni, Almaty oblysynan – 91,3 mln teńgeni, Jambyl oblysynan – 2,9 mln teńgeni, Qaraǵandy oblysynan — 1,4 mln teńgeni, al Aqmola oblysynan – 1,6 mln teńgeni qurady. О́z kezeginde Pavlodar oblysy Ulttyq qorǵa tórt aıda 471 myń teńge, Shymkent – 349 myń teńge, al Qostanaı oblysyna – 50 myń teńge aýdardy. Al SQO-nan eshqandaı túsimder bolǵan joqAlmaty
