Sporttyq dodaǵa elimizdiń barlyq oblystarynan, Nur-Sultan, Almaty men Shymkent qalalarynan kelgen 190 sportshy ózara kúsh synasyp, eptilik baıqasty. Áıelder jáne erler qurama komandalary kedergilerge toly 100 metrlik joldy júgirýden, oqý munarasynyń qabattaryna saty arqyly kóterilýden, kúndelikti qyzmetterine baılanysty tapsyrmalardy oryndaýdan jalpykomandalyq jáne jekeleı synǵa tústi.
Jalpykomandalyq esepte áıelder arasynda birinshi oryndy Shymkent qalasynyń sportshylary jeńip aldy. Ekinshi oryn - Aqtóbe, úshinshi oryn Nur-Sultan qalasynyń komandalaryna buıyrdy. Erler arasynda shyǵysqazaqstandyqtar aldaryna jan salmady. Atyraýlyqtar ekinshi, batysqazaqstandyqtar úshinshi oryndy ıelendi.
Jeńimpazdar men jattyqtyrýshylaryna medaldar, dıplomdar, baǵaly syılyqtar tabys etildi.
Soltústik Qazaqstan oblysy.
