Sharaına
Beısenbi, 23 mamyr 2013 2:00
Shyǵyn – 3 mlrd. dollar
AQSh-tyń ulttyń meteorologııa qyzmeti mamyrdyń 20-sy kúni Oklahoma shtatynda oıran salǵan tornadonyń kúshin Hırosıma men Nagasakı qalalaryna tastalǵan 6000 atom bombasyna teńedi. Ǵalymdardyń sózderine qaraǵanda, quıyn aınalymynyń jyldamdyǵy saǵatyna 322 shaqyrymǵa jetken.
Beısenbi, 23 mamyr 2013 2:00
Shyǵyn – 3 mlrd. dollar
AQSh-tyń ulttyń meteorologııa qyzmeti mamyrdyń 20-sy kúni Oklahoma shtatynda oıran salǵan tornadonyń kúshin Hırosıma men Nagasakı qalalaryna tastalǵan 6000 atom bombasyna teńedi. Ǵalymdardyń sózderine qaraǵanda, quıyn aınalymynyń jyldamdyǵy saǵatyna 322 shaqyrymǵa jetken.
Taǵy bir atap kórsetken jáıt – tornadonyń eni 2 shaqyrymdy quraǵan. Alapat quıyn 40 mınýt boıy toqtamaǵan. Onyń Mýr qalasynda kóptegen turǵyn úılerdi qıratyp, eki mektepti jermen-jeksen etkeni belgili. Shtat saqtandyrý komıssııasynyń aldyn ala baǵamdaýy boıynsha saqtandyrý tólemderi 1 mlrd. dollardan asyp jyǵylýy yqtımal. Al jalpy shyǵyn 3 mlrd. dollar shamasynda delinip otyr. Úıindiler arasynan tiri qalǵan adamdardy izdestirý jalǵastyrylýda.
Qytaıǵa jeke elshisin jiberdi
Soltústik Koreıa basshysy Kım Chen Yn joǵary laýazymdy áskerı sheneýnik Chhve En Heni óziniń jańa jeke ókili retinde Pekınge jiberdi. Koreıa halyqtyq armııasynyń saıası bıýro dırektory bastaǵan delegasııa Qytaı astanasyna Qytaı-AQSh sammıti qarsańynda QHR-men qarym-qatynasty jaqsartý úshin jiberilip otyr.
Eki el arasyndaǵy jaǵdaı KHDR-diń ıadrolyq baǵdarlamasyn damytýyna jáne osyǵan oraı Qytaıdyń eskertýin Phenıannyń qulaǵyna ilmeýine baılanysty sońǵy kezderi nasharlap ketken edi. Jaqynda Soltústik Koreıa shekarashylarynyń 16 adamnan turatyn Qytaı balyqshylaryn ustap, eki apta boıy bosatpaı qoıýy otqa maı quıa túsken bolatyn. Kúni keshe balyqshylar bosatyldy. Biraq ókpe qalǵany anyq. Jalpy, qytaılyqtar el bıliginen Phenıanǵa qatysty qatań saıasat ustanýdy talap etip otyr.
Dımon ataǵanǵa «esh qarsy emes»
Reseı premer-mınıstri Dmıtrıı Medvedev «Komsomolskaıa pravda» gazetine bergen suhbatynda ózin ınternette Dımon dep ataǵanǵa qarsy emes ekenin, munyń qalypty jáıt bolyp tabylatynyn málimdedi. «Eger, tipti ashyq aıtatyn bolsam, bul meniń qytyǵyma esh tımeıdi. Árıne, maǵan unamaıtyn nárselerdiń bar ekeni de túsinikti», deıdi ol.
Onyń sózine qaraǵanda, Dımon degen at bala kezinde berilipti. Biraq, deıdi D.Medvedev, sheneýnikter arasynda bir-birin aty jáne ákesiniń atymen ataý dástúri qalyptasqan. Bul adamnyń bir-birine degen qurmetin bildiredi. Al naýryz aıynda ótken baspasóz máslıhatynda premer-mınıstrdiń baspasóz hatshysy Natalıa Tımakova úkimet basshysyn ınternette Dımon dep ataǵany qapalandyrady. Ol sizderge Dımon emes, premer-mınıstr degen bolatyn.
Qysqa qaıyryp aıtqanda:
Reseıdegi Hrýnıchev atyndaǵy ortalyqta jeńil jáne aýyr synyptardaǵy alǵashqy «Angara» zymyran-ushyrǵyshy jasap shyǵarylǵan. Endi ol «Plesesk» ǵarysh aılaǵyna jiberiletin bolady. Onyń alǵashqy ushyrylymy 2014 jyldyń basyna josparlanyp otyr.
Djon Roýmıngtiń «Garrı Potter jáne pálsapalyq tas» romanynyń alǵashqy jarııalanymy Londondaǵy aýksıonda 150 myń fýnt sterlıngke (shamamen 230 myń dollar) satylǵan. Kitapty saýdaǵa telefon arqyly qatysqan belgisiz bireý satyp alypty. 1997 jyly ol jyldyń eń úzdik balalar kitaby atanǵan bolatyn.
Ulybrıtanııa parlamentiniń qaýymdastar palatasy Anglııa men Ýelste bir jynysty nekeni zańdastyrý týraly zań jobasyn maquldady. Qujatty qoldap 366 depýtat óz daýystaryn berse, 161-i qarsylyq tanytqan. Qoldamaǵan depýtattardyń basym bóligin, ıaǵnı 133-in konservatorlar quraǵan.
Boksshy men prezıdent ıtjyǵysy
«Ýdar» oppozısııalyq partııasynyń serkesi Vıtalıı Klıchkonyń reıtıngi Ýkraınanyń is basyndaǵy prezıdenti Vıktor Iаnýkovıchpen teńesken. Muny sáýir aıynda júrgizilgen saýaldamanyń qorytyndylary kórsetip bergen.
Respondentterge eger prezıdenttik saılaý aldaǵy jeksenbi kúni óter bolsa, onda siz kimge daýys bergen bolar edińiz degen saýal qoıylypty. Respondentterdiń 16 paıyzy memleket basynda V.Klıchkony kórgileri keletinin bildirse, osynsha paıyzy V.Iаnýkovıchti kórgileri keletinin aıtqan. Al eldiń eks-premeri Iýlııa Tımoshenkoǵa suraý salynǵandardyń 9 paıyzy óz daýystaryn berýge daıyn eken. Eger prezıdenttik saılaýdyń ekinshi týryna Klıchko men Iаnýkovıch shyǵar bolsa, ýkraınalyqtardyń 38 paıyzy óz daýystaryn boksshyǵa, tek 19 paıyzy ǵana qazirgi prezıdentke berýge daıyn ekendikterin bildirgen.
Jańa zymyrandy synaqtan ótkizedi
Ústimizdegi jyldyń jazynda Aq teńizde jańa ballıstıkalyq zymyrandy zaýyttyq synaqtan ótkizý júzege asyrylady. «Skıf» dep atalatyn bul zymyran teńizdiń nemese muhıttyń túbinde kútý rejiminde «buıryq kútip» jatady. Buıryq túsken kezde jer betindegi nemese sýdaǵy nysanalardy joıyp jiberedi.
Zaýyttyq synaq tabysty ótkizilgen jaǵdaıda «Skıf» memlekettik synaqtan ótkizýge beriledi. Onyń nátıjeli qorytyndysy boıynsha zymyran Reseı áskerı-teńiz kúshteriniń qarý-jaraǵy qataryn tolyqtyratyn bolady. Al qazirgi kezde Reseıdiń qarý-jaraq arsenalynda «Sınema» zymyrandary tur. «Laıner» dep atalatyn ballıstıkalyq zymyran da jasalý ústinde. «Skıf» pen «Laınerdiń» keńestik kezeńde shyǵarylǵan «Sınemadan» qandaı aıyrmashylyq, ózgeshiligi bar ekeni naqtylanbaıdy.
Adam senbes… qus quny
Qytaılyq kásipker Hý Chjen Iýı sırek kezdesetin belgııalyq kógershin úshin 400 myń dollarǵa jýyq aqsha tólegen. Jumyrtqadan shyqqanyna endi ǵana 1 jyl bolǵan kepter quny álemdik rekord retinde tirkelip otyr. Mundaı kógershinder negizinen jarystarǵa qatystyrylady eken.
Biraq qytaılyq bıznesmen ony kógershinniń jańa ushqyr túrin shyǵarý úshin paıdalanýdy josparlap otyrǵan kórinedi. Kógershinniń qymbat bolýy onyń jastyǵymen baılanystyrylady. Satyp alýshynyń esebinshe, odan kem degende segiz jyl boıy tuqym alýǵa bolady. Al kógershinniń bul túrin keptertanýshy Leo Ereman shyǵarypty. 17-19 mamyr kúnderi ótken aýksıonda ol óziniń barlyq 530 kógershinin satsa, olardan túsken aqsha 5,5 mıllıon dollardy quraǵan.
Internet materıaldary negizinde ázirlendi.
