Forým aıasynda «Iаdrolyq jáne radıasııalyq fızıka» dástúrli 12-shi Halyqaralyq konferensııasy, «Medısına, ónerkásip jáne aýyl sharýashylyǵyndaǵy ıadrolyq jáne radıasııalyq tehnologııalar» 1-shi Halyqaralyq konferensııasy, sondaı-aq «Iаdrolyq reaksııalar boıynsha Azııalyq derekter bazasyn damytý» 10-shy AEHA (MAGATE) semınary ótedi. «Iаdrolyq jáne radıasııalyq fızıka» dástúrli Halyqaralyq konferensııasy ıadrolyq fızıka, atom energııasy, qatty dene fızıkasy, radıasııalyq materıaltaný, radıasııalyq ekologııa, ıadro-fızıkalyq taldaý ádisteri salasyndaǵy ózekti máselelerdi talqylaýǵa arnalady. Iаdrolyq fızıka ınstıtýtynda kóptegen jyldar boıy medısına men ónerkásiptegi ıadrolyq jáne radıasııalyq tehnologııalar ázirlenip keledi. 2017 jyly mamandandyrylǵan radıofarmpreparattardy óndirý korpýsynan jáne radıasııalyq sterılızasııalaý korpýsynan turatyn Iаdrolyq medısına jáne bıofızıka ortalyǵynyń obektilerin paıdalanýǵa berý bastaldy. 2018 jyly radıofarmpreparattardy óndirý alańy GMP tıisti óndiristik tájirıbesine sáıkestigine sertıfıkattaldy. Bir fotondyq emıssııalyq tomografııa jáne pozıtrondy-emıssııalyq tomografııasy úshin radıofarmpreparattar óndirisi uıymdastyrylyp, olardy medısınalyq klınıkalarǵa turaqty jetkizý qamtamasyz etildi. Osy Ortalyqtyń negizinde túrli aýrýlardy dıagnostıkalaý úshin ǵana emes, sondaı-aq olardyń radıonýklıdtik terapııasy úshin radıofarmpreparattardyń keń aýqymdy óndirisine barlyq jaǵdaı jasalǵan. Osyǵan baılanysty forým aıasynda «Medısına, ónerkásip jáne aýyl sharýashylyǵyndaǵy ıadrolyq jáne radıasııalyq tehnologııalar» 1-shi Halyqaralyq konferensııasy ótedi, ol Iаdrolyq fızıka ınstıtýtynyń, Qazaqstan Respýblıkasynyń medısınalyq ortalyqtary, ónerkásip jáne aýylsharýashylyǵy kásiporyndary mamandary yntymaqtastyǵynyń odan ári nyǵaıýyna yqpal etetin bolady. Forým sheńberinde AEHA qoldaýymen «Iаdrolyq reaksııalar boıynsha Azııalyq derekter bazasyn damytý» 10-shy semınary ótedi.
Halyqaralyq konsýltasııalyq keńes jáne Forýmnyń uıymdastyrý komıteti quramyna álemniń kóptegen elderinen ıadrolyq fızıka, atom energetıkasy, qatty dene fızıkasy, radıasııalyq materıaltaný, radıasııalyq ekologııa jáne ıadrolyq medısına salasyndaǵy jetekshi mamandary, sondaı-aq birqatar halyqaralyq uıymdardyń ókilderi kirdi. Forým jumysyna jaqyn jáne alys shetelderdiń 17 elinen kelgen 200 asa ǵalymdar qatysady: Avstrııa, Ázerbaıjan, Armenııa, Belarýs, Germanııa, Úndistan, Italııa, Qytaı, Mońǵolııa, Reseı, Tájikstan, Túrkııa, О́zbekstan, Ýkraına, Fransııa, Chehııa jáne Japonııa.Forým 24-27 maýsym arasynda ótedi.
ALMATY.
