45 jastaǵy erli-zaıyptylar Oral qalasyndaǵy jetim balalar úıinen 15 jasar er balany patronattyq tárbıeleýge alǵan edi. Alǵashqyda bári de oıdaǵydaı kóringenimen, ýaqyt óte kele álgi balanyń beıádep júris-turysy kóbeıedi, úlkenderdiń aıtqanyna kónbeıtin minezder shyǵara bastaıdy, tárbıeleýge alǵan anasynyń aıtqan aqylyn basqasha qabyldaıdy.
Anasy buǵan keshirimmen qarap, áli jas qoı, bara-bara túsiner, aqylǵa keler degen oıdyń jeteginde júre beredi. Kúıeýi únemi tysta, kúnkóristiń qamymen, nápaqa tabý úshin jaldanyp jumys isteıdi. Sonan jeltoqsannyń sońǵy kúni tańerteńgilik bul úıden syrtqa shyqqan tiri jan kórinbegen soń, sebep-saldaryn bilmekshi bolyp úıge bas suqqan kórshileri qanǵa bókken denelerdi kórgende, esterinen tanady. Qanypezer eshkimdi de aıamapty. Bireý úı ıesiniń zaıybyn, ıaǵnı 45 jasar G. esimdi kelinshekti úsh jasar qyzymen qosa baltalap tastaǵan. Úıdiń ishi astan-kesten, qyzyl ala qan. Sóıtse, keıin polısııa anyqtaǵandaı, munyń bárin istegen álgi patronattyq tárbıeleýge alynǵan V. esimdi kámeletke tolmaǵan bala kórinedi…
Fatıholla MAShTAHOV,
Batys Qazaqstan oblysy
ishki ister departamentiniń qyzmetkeri.
