Ymyrasyz kúres

Juma, 1 naýryz 2013 8:05

Keshe elordada «Nur Otan» halyqtyq-demokratııalyq partııasynyń bastamasymen «Ulttyń jańa saıası baǵyty: memleket pen qoǵamnyń sybaılas jemqorlyqqa qarsy is-áreketi» degen taqyrypta halyqaralyq ǵylymı-tájirıbelik konferensııa ótti. Onyń jumysyna Parlament depýtattary, quqyq qorǵaý organdarynyń basshylary, elimizdegi birqatar saıası partııalardyń jetekshileri, otandyq jáne sheteldik ǵalymdar qatysty.

Juma, 1 naýryz 2013 8:05

Keshe elordada «Nur Otan» halyqtyq-demokratııalyq partııasynyń bastamasymen «Ulttyń jańa saıası baǵyty: memleket pen qoǵamnyń sybaılas jemqorlyqqa qarsy is-áreketi» degen taqyrypta halyqaralyq ǵylymı-tájirıbelik konferensııa ótti. Onyń jumysyna Parlament depýtattary, quqyq qorǵaý organdarynyń basshylary, elimizdegi birqatar saıası partııalardyń jetekshileri, otandyq jáne sheteldik ǵalymdar qatysty.

Konferensııada negizinen «Qazaqstan Respýblıkasynyń sybaılas jemqorlyqqa qarsy is-qımyl týraly» zań jobasy tal­qy­landy. Bul qujat jobasy «Nur Otan» par­tııasynyń fraksııasy depýtattarynyń bastamasymen jáne Elbasy, partııa Tó­r­aǵasy Nursultan Nazarbaevtyń Jappaı quqyqtyq tártip pen qaýipsizdik qoǵamyn qurý tapsyrmasy boıynsha ázirlengen.

Jıyndy ashyp, oǵan tóraǵalyq etken «Nur Otan» HDP Tóraǵasynyń birinshi orynbasary Baýyrjan Baıbek aldymen Memleket basshysynyń konferensııaǵa qatysýshylarǵa arnaǵan quttyqtaýyn oqyp berdi.

Budan keıin ol atalǵan zań jobasynyń mańyzyna toqtaldy. «Prezıdent atap ótkendeı, «Nur Otan» partııasynyń bastamasymen daıyndalǵan bul zań jobasy Jappaı quqyqtyq tártip pen qaýipsizdik qoǵamyn qurýǵa yqpal etedi, – dedi Baýyrjan Baıbek. – So­ny­men birge, qujat memlekettik bas­­qarýdyń barlyq deńgeılerinde pre­­­­ventıvti sharalardy, sybaılas jemqorlyqqa qarsy standarttar men saraptaýlar, jemqorlyq táýekeli men monıtorıngti engizý esebinen sybaılas jemqorlyqtyń júıeli túrde aldyn alýǵa negiz qalaıdy».

Qaýipsizdik Keńesiniń hatshysy Qaırat Qojamjarov sybaılas jem­qorlyqpen kúres búkil álem elderinde ózekti máselege aınalyp otyrǵanyn sóz ete kelip, onymen kúres júrgizýde elimizde júzege asyrylyp jatqan keshendi is-sharalarǵa nazar aýdardy. Qaırat Qojamjarovtyń atap ótýinshe, sybaılas jemqorlyqpen kúres Qazaqstan saıasatyndaǵy basym baǵyttardyń biri bolyp tabylady. О́tken úsh aıdyń ishinde asa mańyzdy birqatar qoǵamdyq-saıası jaǵdaılar boldy. Olardyń barlyǵynda sybaılas jemqorlyqqa qarsy kúres má­selelerine erekshe nazar aýdaryldy. «Bular Memleket basshysynyń «Qa­­­­­­­­­­zaqstan-2050» Strategııasy, Úki­mette ákimderdiń qatysýymen ótken keńes jáne quqyq qorǵaý organdarynyń jetekshilerimen bolǵan keńes, – dedi Qaýipsizdik Keńesiniń hatshysy. – Osy jıyndarda Elbasymyz sybaılas jem­qorlyqpen kúrestiń jańa strategııasyn ázirleýdi tapsyrdy. Qazirgi kezde Memleket basshysynyń tapsyrmasyn oryndaýǵa qatysty naqty jumystar júrgizilip jatyr».

EQYU-nyń Qazaqstandaǵy Ortaly­ǵy basshysynyń orynbasary Jannet Kletser bizdiń elimizdiń sybaılas jem­qorlyqpen kúresý barysyna toqtaldy. Dıplomattyń sózine qa­ra­ǵanda, Qazaq­standa jemqorlyq sıpa­tyn­daǵy qyl­mys túrlerimen oıdaǵydaı kúres júr­gizilip keledi. Sybaılas jemqorlyq kez kelgen memlekettiń ekonomıkasyna, shaǵyn jáne orta bızneske, ózge de salalarǵa, jalpy, qoǵamǵa shyǵyn keltiredi. Onyń ústinde ol elderdiń shetel ınvestısııalaryn tartýyna da keri áser etip, olardyń senimin tómendetedi. «Búgingi sizder ótkizip otyrǵan konfe­rensııanyń mańyzy erekshe, – dedi ol. – Bul óz kezeginde Qazaqstan Pre­zı­denti Nursultan Nazarbaevtyń «Qa­zaqstan-2050» Strategııasynda kór­setilgen máselelerdi júzege asyrýǵa úles qosatyn bolady».

Konferensııada elimizde jem­qor­lyqtyń aldyn alý jáne eskertýge ba­ǵyt­talǵan «Nur Otan» partııasynyń sy­baılas jemqorlyqqa qarsy is-áre­ket­teri jónindegi 2013-2020 jyl­dar­­ǵa arnalǵan baǵdarlamasynyń jo­­basy da talqylandy. Bul jóninde «Nur Otan» HDP janyndaǵy Sybaılas jemqorlyqpen kúres jónindegi res­pýb­lıkalyq qoǵamdyq keńestiń tóraǵasy, Parlament Senatynyń depýtaty Oralbaı Ábdikárimov baıandama jasady.

Baıandamada atap ótilgendeı, el Prezıdenti, «Nur Otan» HDP Tóraǵasy N.Á.Nazarbaevtyń tapsyrmasyna sáıkes partııa sybaılas jemqorlyqqa qarsy kúres boıynsha óziniń qyzmetin jetildirip keledi. Keńes qurylǵaly beri turǵyndardyń oǵan degen senimi arta tústi. «Memleket basshysynyń «Qazaqstan-2050» Strategııasynda sybaılas jemqorlyq quqyq buzýshylyq qana emes, ulttyq qaýipsizdigimizge de qaýipti ekendigi atap kórsetilgen, – dedi Qoǵamdyq keńes tóraǵasy. – Aldy­myzǵa jemqorlyqpen aıanbaı kúre­sý týraly strategııalyq mindet qoıylyp otyr. Osyǵan baılanys­ty bizder jemqorlyqpen kúresýdiń jańa basymdyqtaryn, jańa tıimdi mehanızmderin naqtylaýymyz qajet».

Budan keıin baıandamashy qaty­sý­shylardy Sybaılas jemqor­lyqqa qarsy kúres jónindegi 2013-2020 jyl­darǵa arnalǵan baǵdarlama jobasymen tanystyrdy. Qujattyń basty maq­saty men mindeti – «Nur Otan» par­tııasy memlekettik organdarmen, aza­mattyq qoǵam ınstıtýttarymen jáne turǵyndarmen birlese otyryp, sy­baılas jemqorlyqtyń barlyq kóri­nis­terine qarsy is-áreket etý. Sena­tor baǵdarlama jobasyndaǵy negizgi baǵyttardy da atap ótti. Olar – sybaılas jemqorlyqpen kúresti zańnamalyq turǵydan qamtamasyz etý, ekonomıka jáne memlekettik basqarý salalaryna baqylaýdy kúsheıtý, taǵy basqalar. «Qazaqstan 2020 jylǵa qaraı sybaılas jemqorlyq deńgeıi tómen alǵashqy 60 memlekettiń qataryna kirýi tıis», – dedi Oralbaı Ábdikárimov.

Jıynda sondaı-aq «Sybaılas jem­­­­­qorlyqqa qarsy is-qımyl týraly» zań jobasynyń tusaýkeseri de boldy. Onymen Parlament Májilisiniń de­pýtaty Nurlan Ábdirov tanystyrdy. Depýtattyń atap ótkenindeı, bul qu­jat jobasynyń mátinin daıyndaýmen Senat depýtaty Oralbaı Ábdikárimov, Májilis depýtattary Svetlana Bych­ko­­va, Ramazan Sárpekov, Aıgúl Solo­ve­­va aınalysqan. Onyń alǵashqy nus­qasy elimizdiń barlyq óńirlerinde tanystyrylǵan. Talqylaýǵa sarapshylarmen qatar, turǵyndar da qatysqan eken. «Osy jyldyń 8 aqpanyndaǵy «Nur Otan» partııasy janyndaǵy Qu­qyq­tyq keńestiń keńeıtilgen otyry­synda qujat jobasynyń mátinin saraptyq talqylaý ótti, – dedi tanys­tyrylymdaǵy sózinde Nurlan Ábdirov. – Talqylaýǵa Parlament depýtattary, ǵalymdar men múddeli memlekettik organdardyń je­tekshileri qatysty. Bolashaqta biz sybaılas jemqorlyqqa qarsy jańa quqyqtyq arhıtektýrany quratyn bolamyz».

Depýtat sondaı-aq osy zań jobasy qabyldanǵan jaǵdaıda, onymen tyǵyz baılanysty «Aqparattarǵa qoljetimdilik týraly» jáne «Qoǵam­dyq baqylaý týraly» zańdardy qabyl­daýǵa týra keletininen habardar etti. Qazirgi kezde atalǵan qujattar boıynsha «Nur Otan» partııasynyń Má­jilistegi fraksııasynyń depýtattary jumys istep jatyr eken. «Osy jyldyń sáýirinde halyqaralyq sarapshylar men qazaqstandyq tájirıbeli mamandardyń qatysýymen zań joba­synyń tolyqtyrylǵan mátinine qatys­ty kezekti talqylaý ótkizýdi josparlap otyrmyz», – dedi ol sóziniń sońynda.

Memlekettik qyzmet isteri agent­ti­giniń tóraǵasy Álıhan Baımenov só­zin «Búkil álemde memlekettik qyzmet­kerlerdiń qataryn tazalaý jónindegi kúres sybaılas jemqorlyqqa qarsy turýdyń aldyńǵy shebi sanalatynyn eskerý qajet, – dep bastady. – Osy­ǵan baılanysty ústimizdegi jyl­dyń 26 naýryzynda tártiptik jáne etı­kalyq baqylaýdy, onyń ishinde sybaılas jemqorlyqqa qarsy normalardy kúsheıtýdi, sondaı-aq, memlekettik qyzmet salasynda negizsiz «komandalyq aýysýlar» tájirıbesin kózdeıtin «Memlekettik qyzmet týraly» Zań qoldanysqa enetinin atap ótkim keledi. О́zderińiz biletindeı, qazir memlekettik qyzmettiń túıindi máseleleriniń biri – ol memlekettik organnyń birinshi basshysy aýysqan kezde oryn alatyn «komandalyq aýysýlar».

Agenttik basshysynyń aıtýynsha, jańa zań aýystyrý tártibimen konkýrstan tys taǵaıyndaýlar úshin múmkindikterdi qysqartady. Qal­ǵan barlyq taǵaıyndaýlar tek kon­kýrstyq negizinde júrgiziletin bolady. Sheshen sondaı-aq sybaılas jem­qorlyqqa qarsy turý sharalaryn kú­sheı­tý maqsatynda memlekettik qyz­metshige ózine málim bolǵan sybaılas jemqorlyq jaǵdaılaryn nemese ony jemqorlyq jasaýǵa úgitteý týraly ózi jumys isteıtin memlekettik organ basshylyǵyna habarlaý mindeti en­gizi­letininen de habardar etti.

Memlekettik organ basshylyǵy mun­daı memlekettik qyzmetshini onyń quqyqtaryna, zańdy múddelerine jáne odan keıingi qyzmetine teris yqpalyn tıgizetin qýǵyndaýdan qorǵaý jóninde shara qabyldaýǵa mindetti bolady, – dedi Álıhan Baımenov ári qaraı. – Zańda sybaılas jemqorlyqqa qarsy kúres jónindegi Ystambul is-qımyl josparynyń memlekettik qyzmet sapasyna qatysty negizgi usynystarynyń basym kópshiligi eskerilgen. Olar El­ba­­synyń sybaılas jemqorlyqqa qarsy kú­res sharalaryn kúsheıtý jó­nindegi tap­syrmalaryna sáıkes keledi».

Jıyn qorytyndysynda sybaılas jemqorlyqtyń aldyn alý jáne eskertý jumystaryn keńeıtý, «Sybaılas jemqorlyqqa qarsy is-qımyl týraly» jańa zańdy qabyldaý, Jemqorlyqqa qarsy is-áreket jónindegi memlekettik baǵdarlamany daıyndaý boıynsha memlekettik organdarǵa arnalǵan usy­nystar qabyldandy.

Álısultan QULANBAI,

«Egemen Qazaqstan».