Uıyqqa batqan ury
Juma, 15 naýryz 2013 1:15
Qazaqstannyń quqyq qorǵaý organdary elimizde basshylyq qyzmet tizginin ustap turǵan kezderinde sybaılas jemqorlyq sıpatyndaǵy qylmystar jasaǵan atyshýly Vıktor Hrapýnov pen basqa da osyndaı tulǵalarǵa qatysty qylmystyq isterdi tergeýdi odan ári jalǵastyryp jatyr. Muny keshe Bas prokýratýranyń baspasóz qyzmeti taǵy da málim etti.
Juma, 15 naýryz 2013 1:15
Qazaqstannyń quqyq qorǵaý organdary elimizde basshylyq qyzmet tizginin ustap turǵan kezderinde sybaılas jemqorlyq sıpatyndaǵy qylmystar jasaǵan atyshýly Vıktor Hrapýnov pen basqa da osyndaı tulǵalarǵa qatysty qylmystyq isterdi tergeýdi odan ári jalǵastyryp jatyr. Muny keshe Bas prokýratýranyń baspasóz qyzmeti taǵy da málim etti.
Buqaralyq aqparat quraldarynyń ókilderimen ótkizilgen bul brıfıngte aıtylyp otyrǵan aıyptalýshylardyń zańsyz alǵan sheteldik aktıvterin anyqtaý jáne ıelik etýge tyıym salý maqsatynda Bas prokýratýranyń Shveısarııanyń quzyrly organdaryna halyqaralyq tergeý tapsyrmasyn jibergeni tilge tıek etildi. Jıynda osynyń negizinde qazirgi tańda Jeneva kantony prokýratýrasynyń tıisti tergeýdi júrgizip jatqany aıtyldy. Mine, osy sharanyń sheńberinde V. Hrapýnovtyń shveısarııalyq bankterdegi shottaryna 2012 jylǵy 22 qarashada ıelik etýge tyıym da salyndy.
Shveısarııa prokýrorlary kezinde Almaty qalasyn bılep turǵan shaǵynda «úrip iship, shaıqap tókkenimen» qoımaı, eldiń qyrýar baılyǵyn urlyq jolymen shetelge asyryp úlgergen «mıllıonerdiń» isin aqyryna deıin aparýǵa múddeli bolyp otyrǵan qalyp tanytady. Olar erli-zaıypty Vıktor jáne Láıla Hrapýnovtardyń shottaryn jaýyp qana qoıa salmaı, olardyń aqsha jymqyrǵany jónindegi derekterin de muqııat tekserip jatyr. Álbette, Hrapýnov myrza bolsa, ózine taǵylǵan aıyptyń bárin áli kúnge deıin qolynan kelgeninshe joqqa shyǵarýǵa tyrysyp baǵýda. Aıtalyq, óz sózine qaraǵanda, onyń baılyǵy tym asyra kórsetilgen kórinedi. Almatynyń burynǵy ákimi osy jerde ózinde zaýyt ta, keme de joq degendi aıtyp, qarǵanyp qoıady. Ol sonymen qatar, qyzynyń atyndaǵy vıllanyń da nesıege (!) alynǵanyn aıtyp, áldekimderdi ılandyrǵysy-aq keledi. Biraq oǵan sene qoıatyn aqymaq ázirge kórinbeıdi.
Búginde ótirik aıtýdan ertedegi Tazsha balanyń ózin jarty jolda qaldyryp ketetini belgili bolǵan Hrapýnovtyń mundaı máni qashqan «áláýlaılaryna» qazir Shveısarııanyń merzimdi basylymdary da senbeı otyr. Alpi taýynyń teriskeı betin alyp jatqan eldiń buqaralyq aqparat quraldary búginderi onsyz shyqpaıtyn bolypty. Mundaǵy gazetterdiń barlyǵy derlik Vıktor Vıacheslavovıch týraly kúnine bir ret lám aıtyp ótýdi ózderiniń paryzy sanap alǵan sııaqty. Olarda ońdy-soldy suhbat berýge de tóselip qalǵan onyń sózderine gazet tilshileri de, oqyrman qaýym da mıyǵynan kúlip qaraıtyn kúnge jetken. Sebebi, «ótirikshiniń quıryǵy bir-aq tutam» ekenin mundaǵylar da sezip júr. Aıtqan ýáji men istegen tirligi úılese qoımaıtyn eks-ákimniń sózderi kil jalǵandyqtyń jylǵasynan sý urttap shyqqanyn tek bul eldegiler ǵana emes, búginde kúlli álem bilip qalǵan syńaıy bar.
О́tirikti shyndaı, shyndy qudaı urǵandaı etip aıtatyn Vıktor Hrapýnovtyń «tym taza emes» ekenin osyndaǵy fransýz tildi «Lıagefı» basylymy ótken kúzden beri bir emes, birneshe ret áshkerelep úlgerdi. Muny ile-shala Jenevanyń RTS dep atalatyn telearnasy qaǵyp alyp ketti. Ondaǵy jýrnalısterdiń málimeti boıynsha, Hrapýnov áıelimen ekeýi Qazaqstannan las jolmen alynǵan aqshalardy jymqyryp ketkenderi úshin aıyptalýda. Shveısarııa telesholýshylarynyń qoldaryna sondaı-aq Qazaqstan bıliginiń tapsyrysy da túskenge uqsaıdy. Onda bir kezderde Hrapýnovtardyń ortaq otbasy retinde orasan zor kólemdegi baılyqty qoldaryna jıyp alǵandary aıtylady. Telearna sıýjetinde Vıktor Vıacheslavovıchtiń ákim retinde áıeliniń Almatydan 336 myń frankke balalar baqshasy úıin satyp alýyna, sosyn ony 13 mıllıon frankke qaıta satýyna járdem bergeni sóz bolady. Álbette, bizdiń keıipkerimiz muny da joqqa shyǵarýǵa tyrysyp baqty. Sol kezde tilshiler qyzy Elvıra Hrapýnovanyń 32 mıllıon frankke satyp alynǵan keremet vıllasyn alǵa shyǵara qoıdy. Eger áýlette 300 mln. frank kóleminde baılyq bolmasa, mundaı ǵajaıyp jaıdy satyp alýǵa olardyń qalaı shamasy jetken? Jýrnalıstiń bul suraǵy da naqty jaýapsyz qalǵan.
Qazaqta osyndaı kezde aıtylatyn «Jeńilgen adamnyń sózi qurysyn», degen sóz bar. Sol gáp qazir Vıktor Hrapýnovtyń basyna kelip otyr. Ol Qazaqstan quqyq qorǵaý organdarynan da, Shveısarııa ádilet júıesinen de jeńilip boldy. Onyń endigi kúni «sýǵa ketken tal qarmaıdynyń» keri. Al ózi túsken sol sýdyń ıiriminen onyń shyǵa qoıýy endi ekitalaı. Jarty álemdi shýlatqan Hrapýnovtyń keskini qazir uıyqqa batqan urynyń keıpin keltiredi. Demek, onyń zań júzinde jaza alatyn shaǵyna da tym qashyq qalǵan joq.
Rýslan IGILIK.
