Rýhanııat • 27 Maýsym, 2019

Karnegıde án salady

184 ret kórsetildi

Amandyq bolsa, aldaǵy kúnderi almaty­lyq Adelına Muhamedjanova nebir óner dúldúlderin tórine shyǵarǵan Karnegı holldyń ózinde óner kór­setetin bolady. Daryndy oqýshy bedeldi baıqaýlardyń biri «American Protégé» halyqaralyq baı­qaýynda Birinshi dárejeli laý­reat atanyp, Nıý-Iorktegi jeńimpazdar konsertine joldama aldy.

Adelına dıstansııalyq óner jarysynda birneshe klassıkalyq kompozısııa oryndap, 50 memleketten qatysqan zamandastarynyń aldyńǵy leginen tabylǵan.

Endi bıyl 21 jeltoqsanda álemniń ár shalǵaıynda Birinshi dárejeli dıplomǵa ıe bolǵan daryndar álem­degi eń áıgili óner alańynyń biri – Karnegı hollda (Carnegie Hall) toǵysady.

«American Protege» – álemniń ár shalǵaıyndaǵy mýzykanttarǵa arnalǵan halyqaralyq baıqaýlar serııasy. Jas talanttar qashyqtyqtan, beıne-jazbalary arqyly óner jarystyrady. Jeńimpaz atanǵandar jyl sońynda Karnegı holl sahnasynda júzdesedi.

«Men baıqaý uıymdastyrýshylarynan resmı hat alǵan kezimde tańǵalyp, tolqydym. Eger shynymdy aıtsam, áli kúnge deıin ańyzǵa aınalǵan, álemniń eń ataqty, eń úzdik ánshileri óner kórsetetin sahnada án salatynyma sene alar emespin. Taıaý kúnderi tyńǵylyqty daıyndyqty bastaımyz. Men bar kúshimdi salamyn»,   deıdi Adelına.

 «American Protege» baıqaýy bar bolǵany 11 jastaǵy vokalıst úshin alǵashqy jeńis emes. Adelına buǵan deıin de Italııada ótken «Sanremo Junior 2018» festıvalinde jeńiske jetken bolatyn.

Sondaı-aq ótken jyly Reseıdiń Sankt-Peterbýrg qalasynda ótken Elena Obrazsovanyń baıqaýynda Nıkolaı Sıskarıdzeniń arnaýly júldesin jeńip alǵan. Oǵan qosa bıyl da naýryz aıynda jas ánshi 2020 jyly Italııada ótetin Open International Auditions akade­mııa­lyq vokaldyq baıqaýyna arnaıy shaqyrtý alyp otyr.

 

ALMATY

Sońǵy jańalyqtar

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Pavlodarda joǵalǵan ana men bala tabyldy

Aımaqtar • Búgin, 11:40

Uqsas jańalyqtar