Premer-Mınıstrdiń Birinshi orynbasary – Qarjy mınıstri Á. Smaıylov atap ótkendeı, Memleket basshysynyń tapsyrmasy boıynsha Qazaqstan Úkimeti halyqtyń ál-aýqatyn arttyrýdyń ózekti áleýmettik máselelerin sheshý maqsatynda áleýmettik sıpattaǵy shuǵyl sharalar paketin ázirledi.
Osy jyldyń sońyna deıin 300 myńnan astam jumyssyz ári ózin-ózi jumyspen qamtyǵan azamattar jumyspen qamtýǵa járdemdesý sharalarymen qamtylady. Sonyń ishinde «Bastaý Bıznes» jáne «Jas kásipker» baǵdarlamalary aıasynda qysqamerzimdi kásiptik oqytýdan ótedi.
О́z isin ashýǵa múddeli azamattarǵa jeńildikti nesıelik qarajattar men granttar berý arqyly kásipkerlik qyzmetti yntalandyrýǵa úlken kóńil bólinedi. Halyqtyń asa áljýaz toptaryna ataýly áleýmettik kómek berý prosesiniń tıimdiligin arttyrý kózdelgen. «Úkimet pen Ulttyq banktiń mańyzdy mindeti – baspana qoljetimdiligin keńeıtý. Osy maqsatta halyqtyń az qamtylǵan toptaryna arendalyq turǵyn úı qurylysynyń kólemi eki ese ulǵaıtylady (jylyna 20 myń páterge deıin) jáne jumys isteıtin jastar úshin úsh esege ulǵaıtylady (jylyna 1 myńnan 3 myńǵa deıin)», — dedi Á. Smaıylov.
Barlyq óńirde ystyq tamaq berý, tegin jol aqysy, mektepke qajetti zattarmen qamtamasyz etýdi qosa alǵanda, az qamtylǵan otbasylardyń balalary úshin áleýmettik qoldaý sharalary júıelendiriledi.
Jastardy óndiristik jumysqa belsendi tartý boıynsha naqty sharalar qabyldanady. 1 qyrkúıekten bastap 123 myń adamdy qamtı otyryp, TjKBB-de jumysshy mamandyqtary boıynsha oqıtyn jastardyń shákirtaqylary 30% ulǵaıtylady.
«Atalǵan sharalardy qabyldaý qazaqstandyqtardyń turmys sapasy men áleýmettik kóńil-kúıiniń jaqsarýyna jańa serpin beredi», —dep túıindedi Á. Smaıylov.
