Qostanaılyq mamandar bekitilip berilgen úılerdi qarap, jumys pen qajetti qurylys materıaldarynyń kólemin anyqtaıdy. Soǵan oraı oǵan ketetin qarjy kólemi eseptelip shyǵarylady. Sodan keıin oǵan baratyn qurylys kompanııalary, mamandar, jumysshylar brıgadalary bekitiledi.
«Sondaı-aq, keshe Qazaqstan halqy assambleıasynyń oblystyq sessııasynda men etnomádenı birlestikterdiń tóraǵalaryna osy jaǵdaıdy jetkizdim, búgin iri, orta, shaǵyn bıznes ókilderimen kezdesý ótkizdim. Barlyǵy Arystaǵy zardap shekken otbasylaryna gýmanıtarlyq jáne turǵyn úılerin qalpyna keltirýge kómek kórsetýge daıyn ekenderin bildirdi» dedi Arhımed Begejanuly.
Qostanaı oblysy«Nur Otan» partııasynyń qoldaýymen jarııalanǵan «Arys. Biz birgemiz» Jalpy respýblıkalyq aksııaǵa belsendi qatysyp otyr. Oblys ákiminiń basshylyǵymen partııanyń oblystyq fılıalynyń tóraǵasy retinde shtab quryldy. Onyń quramynda Rozınov V.S, Kım I.R, Maıshev Q.A, sııaqty belgili kásipkerler men qoǵamdyq pikir kóshbasshylary bar. Apattan zardap shekkenderge kómekke oblystaǵy memlekettik organdardyń qyzmetkerleri 20 mln. teńgeden astam qarjy aýdardy. Onyń syrtynda «Qarasý SО́K» bas dırektory, Qazaqstannyń Eńbek Eri A.J. Tursynov jáne onyń ujymy 3,5 mln.teńge, «BK-Stroı» JShS ujymy 2 mln. teńge, «Mılh» JShS bas dırektory S.I. Blok jeke 1 mln. teńge aýdardy. Arysqa 30 tonna azyq-túlik pen birinshi qajetti zattar tıelgen kerýen jóneltildi.
Qostanaı
