Qazaq halqynda «qysqa jip kúrmeýge kelmeıdi» degen naqylǵa bergisiz sóz bar. Shyndyǵyna kelgende jaıly páterge ıe bolý úshin nesıe rásimdegenimmen, onyń júktemesin tóleýge kelgende qınalyp qalatyn kezderim az emes-ti. Degenmen, «sheshingen sýdan taıynbas» degen, áıteýir bir aıdan ekinshi aıǵa deıin amaldap tólep júrgen edim.
Osyndaı ári-sári kúıde júrgenimde akorda.kz saıtynan Prezıdenttiń «Qazaqstan Respýblıkasy azamattarynyń borysh júktemesin azaıtý týraly» Jarlyǵyn kórip, izdegenim tabylǵandaı qýanyshqa bólendim. Qamqorlyq degenimiz osyndaı-aq bolatyn shyǵar. Prezıdenttiń sharapaty myńdaǵan adamdarǵa tıetini qandaı ǵanıbet. Sondyqtan da bul qoldaýdyń orny bólek. Áleýmettik máni men mańyzy joǵary dep esepteımin.
Meniń ómirden óz ornymdy tabýyma Qazaqstanym qoldaý kórsetti. Búginde aqysyz arnaýly bilim alýdamyn. Sondaı-aq kóp keshikpeı derbes baspanaǵa ıe bolatynym da esime túskende boıymdy shattyq sezimi bıleıdi.
Jahar LAZAREV,
Alǵa balalar úıiniń tárbıelenýshisi,
Aqtóbe aýyl sharýashylyǵy kolledjiniń stýdenti
AQTО́BE
