Qazaqstan Prezıdentine Adam quqyqtary jónindegi ýákildiń qazirgi jumystary, sondaı-aq, Tashkentte ótken Ortalyq Azııa elderi ombýdsmenderi kezdesýiniń qorytyndylary týraly málimet berildi. Asqar Shákirovtiń aıtýynsha, atalǵan is-sharaǵa qatysýshylar О́ńir ombýdsmenderi yntymaqtastyǵynyń jol kartasyn bekitip, kóshi-qon úderisi men shekara aımaǵyndaǵy ózara qarym-qatynastarǵa qatysty quqyq qorǵaý máselelerin qarastyrdy.
Qasym-Jomart Toqaev halyqtyń turmysy tómen toptarynyń quqyqtary men múddelerin qamtamasyz etý jóninde memlekettik organdarmen jáne úkimettik emes uıymdarmen belsendi jumys júrgizý qajettigin aıtty. Qazaqstan Prezıdenti olardyń quqyqtarynyń qorǵalý monıtorıngin kúsheıtýdi, sondaı-aq, ataýly áleýmettik kómek alý máseleleri boıynsha járdem berýdi tapsyrdy.
