Baýyrjan Qydyrǵalıuly Baıbek 1974 jyly 19 naýryzda dúnıege keldi. Almaty qalasynda týǵan. Ulty - qazaq. «Bolashaq» baǵdarlamasy boıynsha Gete ınstıtýtyn (Bremen qalasy, 1995) - «Nemis tili»; «Bolashaq» baǵdarlamasy boıynsha Lıýbek qalasyndaǵy Joǵary mektepti (GFR, 1998) - «Pedagog»; Ortalyq Azııa ýnıversıtetin (2002) «Halyqaralyq ekonomıst» mamandyqtary boıynsha bitirgen. Aǵylshyn jáne nemis tilderin erkin meńgergen. 1999 jyldan - Maındaǵy Frankfýrt qalasy QR Bas konsýldyǵynyń referenti, attashesi - GFR-daǵy QR Elshiligi ekonomıkalyq bóliminiń úshinshi hatshysy (Berlın qalasy). 2002 jyldan - QR Prezıdenti Ákimshiligi Júıeli zertteýler ortalyǵynyń sarapshysy. 2003 jyldan - QR Prezıdenti Hattamasynyń aqparat jáne taldaý sektorynyń meńgerýshisi, 2004 jyldan - bas ınspektory, 2006 jyldan - Hattama jetekshisi. 2009 jyldyń tamyz aıynan beri - QR Prezıdenti Ákimshiligi jetekshisiniń orynbasary. 2013 jyldyń qańtarynan bastap «Nur Otan» partııasy Tóraǵasynyń birinshi orynbasary. 2015 jyldyń tamyzynan osy ýaqytqa deıin Almaty qalasynyń ákimi boldy. QR Prezıdentiniń halyqaralyq «Bolashaq» stıpendııasy stıpendıattary qaýymdastyǵy keńesiniń (2008 jyldan); Qazaq gýmanıtarlyq zań ýnıversıteti Qamqorshylyq keńesiniń (2010 jyldan) tóraǵasy. S.D. Asfendııarov atyndaǵy Qazaq ulttyq medısına ýnıversıteti Qamqorshylyq keńesiniń (2010 jyldan) múshesi. «Hattamalyq is-sharalardy qamtamasyz etý boıynsha tájirıbelik nusqaýlyq» (2007, eki tilde), «Qazaqstan Respýblıkasynyń memlekettik hattamasy» (2010) kitaptarynyń avtory; «Qazaqstan Respýblıkasynyń memlekettik hattamasy» (2004) kitabynyń birlesken avtory; «Prezıdenttiń bir jyly» (2006, 2007) kitabynyń qurastyrýshysy; 6 maqalanyń, sonyń ishinde «Memlekettiń syrtqy saıası qyzmetindegi hattama» (2010), «Sheteldik memleketterdiń hattamalyq qyzmetin ınstıtýttandyrýdyń keıbir aspektileri týraly» (2010) jáne t.b. jarııalanymdardyń avtory. «Nur Otan» partııasynyń múshesi (2002 jyldan). «Qurmet» (2008) ordenimen; «Qazaqstan Respýblıkasynyń Táýelsizdigine 10 jyl» (2001), «Astananyń 10 jyldyǵy» (2008) medaldarymen; QR Prezıdentiniń Alǵys gramotalarymen (2001, 2010) marapattalǵan.
