Parlament joǵarǵy Palatasynyń basshysy buqaralyq aqparat quraldarynyń ókilderine ósip-órkendeý men ıgilik jáne myqty densaýlyq tiledi, biliktiligi jáne óz isin adal atqaratyny úshin alǵys aıtty.
Tóraǵa taıaýda respýblıkalyq buqaralyq aqparat quraldarynyń basshylarymen kezdesip, osy salany damytýdyń jahandyq kórinisteri men qazaqstandyq jýrnalıstıkanyń ózekti máselelerin talqylaǵan bolatyn.
«Bizdiń elimizde ózin-ózi retteıtin uıymdar týraly óte jaqsy zań bar. Salanyń ózin-ózi retteýi úshin zańda asa mańyzdy tetikter bar. Jýrnalısterdiń kásibı qoǵamdyq uıymy qurylýy jáne sol arqyly salalyq múddeler qorǵalýy kerek. Bul asa mańyzdy jumys. Zańnyń barlyq talaptary boıynsha qurylǵan kásibı uıym ǵana memlekettik birqatar mindetterdi ala alady jáne óz máselelerin ózi retteı alady», - dedi Senat basshysy.
D.Nazarbaeva Senatta tirkelgen jýrnalısterge alǵys hat tapsyrdy jáne Senat aldaǵy jyly Palata jumysynyń materıaldary boıynsha úzdik jýrnalıstik zertteý boıynsha báıge ótetinin atap ótti.
