Qala bir aıda qalpyna keledi

Úkimet basshysy kóp­­páterli jáne jeke­men­shik úıler ornalasqan «Kók­tem-1» jáne «Kók­tem-2» turǵyn úı alaptaryna bardy, zalal kelgen jergilikti mek­tep, qala­lyq aýrýhana men halyq­qa qyzmet kórsetý ǵıma­rat­taryn kór­di.

Tótenshe jaǵdaı saldaryn joıýǵa tikeleı atsa­lys­qan jergilikti aqsaqal­dar­men jáne mamandarmen áńgimelesti. Olardyń qa­tarynda saperler, medısı­na qyzmetkerleri, qutqa­rý­­shy­lar jáne jergilikti bı­lik organdary ókilderi bar. Pre­mer olarǵa al­ǵys aı­­typ, «birlesken úıle­simdi ju­mystyń arqa­syn­da tur­­ǵyn­dardy ýaqty­ly evakýa­sııa­lap, týynda­ǵan tótenshe jaǵ­daıdyń aý­qym­dyraq sal­darynyń aldyn alý múm­kin bolǵanyn» atap aıtty.  

A.Mamın Arys qala­synda tótenshe jaǵdaılar saldaryn joıý jónindegi Úkimettik komıssııa otyrysyn ótkizdi. Komıssııa quramyna mınıstrlikter men oblystyq ákimdikterdiń basshylary kirdi.

Aǵymdaǵy jaǵdaı men tótenshe jaǵdaı saldaryn joıý boıynsha qabyldanyp jatqan sharalar týraly Qorǵanys mınıstri N.Er­mekbaev, Ishki ister mı­nıstri E.Turǵymbaev, Den­saýlyq saqtaý mınıstri E.Bir­tanov, Eńbek jáne halyq­ty áleýmettik qorǵaý mınıstri B.Saparbaev, Bilim jáne ǵylym mı­nıs­tri A.Aımaǵambetov, Eko­logııa, geologııa jáne tabıǵı resýrstar mınıstri M.Myrzaǵalıev, Túrkistan oblysynyń ákimi О́.Shókeev, Pavlodar oblysynyń ákimi B.Baqaýov  baıandady.

Premer-Mınıstr A.Ma­mınge qazirgi ýaqytta qala aýmaǵyn ınjenerlik bar­laý, mınadan tazalaý bo­ıynsha jumystar jal­ǵa­syp jatqany, azamattar­dy óz úılerine qaıtarý já­ne olardyń mal-múlkiniń qor­ǵalýyn qamtamasyz etý bo­ıynsha sharalar qabyldanyp jatqany týraly baıandaldy. Aýmaqtarǵa júrgizilgen tek­serýler ekologııalyq jaǵ­daıǵa qaýip tónip turma­ǵanyn kórsetti.

– О́zderińiz biletindeı, Elbasy men Memleket basshy­sy qalany jedel qal­pyna keltirýdi tapsyr­ǵan bolatyn. Bizge Arys qa­lasyn shuǵyl qalpyna keltirý boıynsha bar­lyq kúsh-jigerdi jumyl­dyrý qajet. Biz Arys qala­syn­daǵy barlyq zaqymdanǵan jáne buzylǵan nysandardy 2019 jyldyń 1 tamyzyna deıin jóndep, salýymyz kerek. Barlyq mindetter ońtaıly, sapaly ári ýaqtyly oryndalýy kerek», – dedi Premer-Mınıstr.

Keńes qorytyndysy boıynsha Úkimet basshysy A.Mamın qalanyń tir­shi­ligin qalypqa keltirý já­ne onyń áleýmettik-eko­­no­­­mıkalyq damýyn qamta­masyz etý úshin 10 keshendi sha­rany atap aıtty.

1. Bir aı ishinde qaladaǵy barlyq turǵyn úılerdi jón­deý.

2. Qosymsha áleýmettik qoldaý sharalary retinde qalanyń árbir turǵynyna (44 781 adam) 100 myń teńge kóleminde bir rettik ótemaqy tóleý.

3. Arys qalasynan 4 myń balany saýyqtyrý la­ger­­lerine jiberý.

4. Áleýmettik nysan­dardy jóndeýdi ulttyq kompa­nııalardyń kóme­gi­men iske asyrý kózdelgen. Sondaı-aq qurylys jumys­taryna iri ónerkásiptik kásiporyndar men bıznes qaýymdastyq tartylatyn bolady. 66 áleýmettik nysandy «Samuryq-Qazyna» UÁQ» jóndeıdi.

5. Bıznestiń áleýmettik jaýapkershiligi aıasynda 300-den astam ShOB kásipornyna «Atameken» UKP arqyly iri bıznes qarajaty esebinen qalpyna keltirý jáne jóndeý ju­mys­tarynda kómek kórse­tiledi. 

6. Qala kásipkerlerine bıylǵy 1 shildeden bas­tap 5 mln teńgege deıin jeńil­dikpen nesıe beriledi. Jyl sońyna deıin salyqtyq kanıkýldar usynylady.

7. Injenerlik ınfra­qu­rylym, elektrmen jab­dyq­taý jáne baılanys Úkimet qorynyń qaraja­ty esebinen qalpyna keltiriledi.

8. Gaz jáne sýmen jab­dyqtaý júıelerin jańǵyrtý jáne qaıta jóndeý jospar­lanǵan.

9. Medısınalyq qyz­met kórsetý sapasyn artty­rý maqsatynda qala turǵyn­daryna arnalǵan aýrýhana men eki emhana salynady.

10. 2 apta boıy qarý-jaraqtar áketile bastaıdy. Arsenal qaıta ornalastyrylady.

Aldyn ala baǵalaýlar boıynsha, qalada 104 kóp­qa­batty turǵyn úı, 7 200-ge jýyq jekemenshik úı, 14 mektep, 2 aýrýhana,  28 balabaqsha, aýmaqtyq mem­lekettik organdar ǵıma­rat­tary zardap shekken.