«Egemen Qazaqstan» gazetiniń jas jýrnalısterge arnalǵan syılyǵy úshin konkýrs ýaqyty uzartyldy

«Egemen Qazaqstan» gazetiniń jas jýrnalısterge arnalǵan syılyǵy úshin konkýrs ýaqyty uzartyldy

Qurmetti jas jýrnalıster! Sizderge «Egemen Qazaqstan» gazetiniń jas jýrnalısterge arnalǵan syılyǵy úshin konkýrs ýaqytynyń uzartylǵanyn habarlaımyz!

Komıssııa  alqasy uıǵarǵandaı, jaz aılarynda is-sharalardyń kóptigine baılanysty, sondaı-aq jas áriptesterge álde de bolsa múmkindik bere otyryp, materıaldar 2019 jyldyń 10  qyrkúıegine deıin qabyldanady.

«Egemen Qazaqstan» gazetiniń jas jýrnalısterge arnalǵan syılyǵy úshin konkýrsqa qatysý erejesi burynǵydaı:

1. Jalpy erejeler

1.1. Baıqaýdy uıymdastyrýshy –  «Egemen Qazaqstan» RG» AQ. Ornalasqan meken jaıy:  Astana qalasy, 010000, «Egemen Qazaqstan» gazeti kóshesi, 5/13.

1.2. Konkýrstyń maqsaty – jas jýrnalısterdi kásibı turǵydan yntalandyrý, olardyń kásibı biliktilikterin kóterý.

1.3. «Egemen Qazaqstan» gazetiniń jas jýrnalısterge arnalǵan syılyǵy úshin konkýrs jylyna 1 ret jarııalanady.

1.4. Konkýrqa 18 ben 35 jas aralyǵyndaǵy jýrnalıster qatysa alady.

1.5. Úmitkerlerdiń materıaldary  konkýrstyq komıssııanyń uıǵarymymen 2019 jyldyń 10 qyrkúıegine deıin qabyldanady.

1.6. Konkýrstyń  taqyryby jyl saıyn ózgerip turady jáne ony «Egemen Qazaqstan» RG» AQ redaksııa alqasy bekitedi.

1.7. Konkýrsqa kelip túsken materıaldardy «Egemen Qazaqstan» gazetiniń redaksııa alqasynan quralǵan komıssııa (budan ári – konkýrstyq komıssııa) baǵalaıdy.

2. Konkýrsqa qatysý sharty

2.1. Konkýrsqa «Egemen Qazaqstan» gazetinde jáne egemen.kz saıtynda jarııalanǵan habarlandyrýda usynylǵan taqyrypqa sáıkes keletin taqyryp aıasynda jazylǵan jáne «Egemenniń» júldesi úshin konkýrsqa» degen aıdar qoıylǵan materıaldar qabyldanady.

«Egemen Qazaqstan» gazetiniń jas jýrnalısterge arnalǵan syılyǵy 2019 jyly «Egemen Qazaqstan» – 100 jyldyq jylnama» degen taqyryp aıasynda qazaq baspasóziniń tarıhyna, qazirgi baspasózdegi trendter men tehnologııalyq jańalyqtar sııaqty baǵyttardy qozǵaýy tıis.  

2.2. Konkýrsqa arnalǵan materıaldar Times New Roman 14 shrıftimen 1,5 ıntervalynda jazylyp, kólemi 3,5  betten aspaýy tıis.  Sapaly sýretterimen jiberilse, quba-qup.

2.3. Konkýrsqa jiberilgen materıal men sýretter buryn basqa basylymdarda jarııalanbaǵan bolýy tıis. Bul oraıdaǵy jaýapkershilik avtorǵa júkteledi.

2.4. Konkýrsqa arnalǵan materıaldar info@egemen.kz elektrondy baılanys jelisine «Egemenniń júldesi úshin konkýrsqa» degen aıdarmen jiberilýi qajet.

3. Konkýrs qorytyndysy

3.1. Konkýrstyq komıssııa konkýrs qorytyndysyn materıal qabyldaý aıaqtalǵan kúnnen bastap, 1 (bir) apta ishinde shyǵarýǵa mindetti. 

3.2. Konkýrstyq komıssııanyń sheshimine sáıkes, 1, 2, 3 oryndar júldeli oryn retinde belgilenedi. Olardyń árqaısysyna: 1 orynǵa – 500 000 teńge, 2 orynǵa – 300 000 teńge, 3 orynǵa – 200 000 teńge aqshalaı syılyq jáne arnaıy kádesyılar tapsyrylady; 

Qosymsha yntalandyrý syılyǵy Konkýrstyq komıssııanyń usynysymen taǵaıyndalýy múmkin.