«Almaty qashanda úzdik praktıkany, jańashyldyq jobalar men azamattyq qoǵam salasy keısterin júzege asyrýdyń basty tuǵyrnamasy bolyp keledi. Búgin biz ÚEU damytý men olardyń tıimdigilin arttyrýdyń «jol kartasyn» jasaý úshin jınalyp otyrmyz. Maǵan qoǵamnyń aktýaldy máselelerin birigip sheshýde sizder usynatyn pikirler men tilekterdi estý óte mańyzdy. Biz ashyqpyz, qoljetimdimiz, qalanyń barlyq ÚEU jumys isteýge daıynbyz. Sondyqtan sheshimin kútken basty mindetterge, strategııaǵa, problemaly máselelerge men únemi aıryshqa nazar aýdaramyn», - dep atap ótti Almaty ákimi.
Kezdesý barysynda B.Saǵyntaev ÚEU men qala basshylyǵynyń birikken is-qımyldarynyń perspektıvalyq baǵyttarynyń birqataryn atap ótti. Osy rette qala basshysy ekologııa men aýa sapasy taqyrybyn kóterdi.
«Bulardyń qalanyń barlyq turǵyndaryn tolǵandyratynyn bilemin. Sondyqtan qalalyq JEO-2 gazǵa kóshirý máselesin jiti zertteýdi josparlaýdamyn. Osyǵan oraı ekologııa salasynda qorshaǵan ortanyń zalaldanýymen kúresýde jáne qalany jasyldandyrýda sizderdiń qoldaýlaryńyz mańyzdy», - dedi ákim.
Bulardan ózge, qoǵam qaýipsizdigin jáne tártipsizdik pen quqyq buzýshylyqqa nóldik tózimdilikti kúsheıtýdiń, jergilikti ózin-ózi basqarýdy damytýdyń onyń ishinde PIK-terdiń jumystaryn jolǵa qoıýdyń, sonymen qatar qala bıýdjeti shyǵyndarynyń jarııalylyǵynyń, kópbalaly otbasylarǵa áleýmettik kómek kórsetýdiń, eńbekpen qamtýdyń, jastardyń demalysyn uıymdastyrýdyń jáne basqalarynyń aktýaldy máseleleri sóz boldy.
Qazirgi kezde megapolıste 4 myńnan astam ÚEU bar, olardyń 1 myńǵa jýyǵy ǵana belsendilik tanytýda. Sonymen qatar qalada 45 jastar uıymdary, 170 dinı birlestikter jáne basqalary bar.
