Qaladaǵy Nursultan Nazarbaev dańǵyly men Toraıǵyrov kóshesiniń qıylysynan bastalǵan jarysqa 300-ge jýyq sportshy qatysty.
Sportshylar aldymen 5 shaqyrymdyq qashyqtyqty jaıaý júgirip, odan soń 16 shaqyrymdy velosıpedpen júrip ótti.
Dýatlon saıysyna Aqsý qalalyq ardagerler keńesiniń tóraǵasy 75 jastaǵy Zalmuqan Arynov ta qatysty.
- Adam jasy egdelegen saıyn dene jattyǵýlaryn kóbirek jasaǵany durys. Sport-densaýlyq kepili. Jarystarǵa jıi qatysamyn. Barlyq turǵyndardy sportpen aınalysýǵa shaqyramyn, - deıdi aqsaqal.
Al, 21 shaqyrymdyq jarysta synǵa túsken 300 sportshynyń arasynan «Bıznes-kolledj»s stýdenti Qyssa Túsipbaev 44 mınýt, 21 sekýndta máre syzyǵyn kesip ótip, chempıon atandy.
Qala turǵyny Denıs Zabıaka 46:43 ýaqyt kórsetkishimen ekinshi oryndy jeńip aldy.
Saıysty 47:22 ýaqyt ishinde aıaqtaǵan Rýslan Shakratov qola medal ıelendi.
Áıelder arasynda 21 shaqyrymdy Irına Bykova 52:56 ýaqyt júgirip ótti. Kúmis júldeni Tatıana Mırogorodskaıa, úshinshi oryn Hadıshat Sechoevaǵa buıyrdy.
Jarys jeńimpazdary men júldegerlerin oblys ákimi Bolat Baqaýov quttyqtap, medaldarmen Alǵys hattarmen marapattady.
