Mysaly, balet teatry Ál-Farabı dańǵyly boıy men Nazarbaev dańǵylynyń batysyndaǵy uzaq ýaqyt bos jatqan jerde boı kóteredi.
Ǵımarat arhıtektýrasy fontany bar, aınalasy kógaldandyrylǵan ári este qalarlyqtaı erekshe sıpatta jasalady. Onyń kópquramdy bólshekteri men elementteri bolady. Nysan faktýrasy óte tartymdy, onyń joǵary jaǵy jaryq kózderi arqyly aıryqsha nurlanady.
Teatr keńistigin kópfýnksıonaldy jáne túrlenetin turǵyda jasaý jsoparlanǵan. Holl alańynda bıznes ıventter men saltanatty sharalar ótkizýge bolady. Ǵımarat ishinde balalar úshin horeografııa mektebin ashý josparlanǵan.
Almatynyń qala retinde jedel damyp kele jatqan rólin ári munda jyl saıyn 50-den astam halyqaralyq ıventterdiń ótetinin eskere otyryp zamanaýı kongress-ortalyq salý qolǵa alynbaq.
Aıta keterligi, «Almatyny damytýdyń 50 joba-draıverleri» aıasynda bıylǵy jyly taǵy birqatar áleýmettik ınfraqurylymdar, qosalqy nysandar salynyp, kósheler men parkter abattandyrylady. Osy jobalar esebinen ǵana qosymsha 5 myńǵa jýyq jumys orny ashylyp, qala bıýdjetine 8,8 mlrd. teńge salyq tústi.
Jyl aıaǵyna deıin Respýblıka alańyn, Dostyq dańǵylyn, Baıseıtova men Jibek joly kóshelerin, Vernyı observatorııasyn, Almaty zooparkin, Medeýdegi Shynyǵý baspaldaqtaryn, Myńjyldyq fontanyn, qalanyń barlyq segiz aýdanyndaǵy ótpeli aımaqtardy rekonstrýksııalaý aıaqtalady.
Bulardan ózge, otbasylyq-dárigerlik ambýlatorııanyń, №4 bosaný úıi men Túrksib aýdanyndaǵy psıhonevrologııalyq ınternat janyndaǵy qosalqy nysandardyń, medısınalyq jedel járdem qosalqy stansııasy men Alataý aýdanyndaǵy patologoanatomııalyq bıýronyń qurylystary bitedi.
Jalpy, 6 jańa bala baqsha men seısmıkalyq kúsheıtilgen 10 mektep paıdalanýǵa beriledi.
