«Toǵas» pen «Andas». Maqsatynan tanbas
Juma, 18 qańtar 2013 7:09
Pavlodar aýdany – óńir turǵyndaryn aýyl sharýashylyǵy ónimderimen qamtamasyz etip otyrǵan oblys ortalyǵyna jaqyn ornalasqan aýdan. Aýdanda byltyrǵy jyly 140 myń gektarǵa aýylsharýashylyq daqyldary egilipti. Mysaly, Zeınolla Sálmenbaev basqaratyn «Andas» sharýa qojalyǵy 520 gektar alqapqa kartop saldy. О́nimge degen suranys kóp. Árbir gektarynan 200 sentnerden kartop alypty. Qoımada qysta saqtaıdy.
Juma, 18 qańtar 2013 7:09
Pavlodar aýdany – óńir turǵyndaryn aýyl sharýashylyǵy ónimderimen qamtamasyz etip otyrǵan oblys ortalyǵyna jaqyn ornalasqan aýdan. Aýdanda byltyrǵy jyly 140 myń gektarǵa aýylsharýashylyq daqyldary egilipti. Mysaly, Zeınolla Sálmenbaev basqaratyn «Andas» sharýa qojalyǵy 520 gektar alqapqa kartop saldy. О́nimge degen suranys kóp. Árbir gektarynan 200 sentnerden kartop alypty. Qoımada qysta saqtaıdy. Qojalyq 2012 jyly memleket tarapynan ósimdik sharýashylyǵyn qoldaýǵa 7 mıllıon teńgege jýyq sýbsıdııa, egin egý jáne jıyn-terim naýqandaryna arzan baǵaly janar-jaǵarmaı alypty. Al «Naberejnoe» sharýa qojalyǵynyń basshysy Arman Sálmenbaev bolsa, 7 myń gektarǵa kúnbaǵys, egin salypty. Byltyrǵy qýańshylyq ońaı bolǵan joq. Gektarynan 5 sentner kúnbaǵys aldyq. Aýa raıynyń qolaısyzdyǵyn eskersek, shyǵym jaman emes. Jerdi óńdeýdiń arqasynda osyndaı shyǵymdylyqqa qol jetkizdik. Al qazir, bıylǵy jylǵy egin egý naýqanyna topyraqty daıyndaýdy bastap kettik, deıdi ol.
Bul jigittermen qatarlas kele jatqan «Toǵas S» sharýa qojalyǵynyń da alǵa qoıǵan josparlary bar eken. Seriktestikte 2011 jyldan bastap 930 iri qara malǵa arnalǵan taýarly-sút fermasy jáne 800 gektar sýarmaly ýchaske qurylysyn kózdeıtin jalpy quny 2 mlrd. teńgeden astam ınvestısııalyq jobasy júzege asyrylýda. Sharýa qojalyǵy joba qurylysyn óz qarajaty esebinen júrgizýde. Búginde 300 mıllıon teńgege jýyq qarjy jumsapty. Nátıjesinde, 3 birdeı mal qoranyń negizgi qańqasy turǵyzylyp, tóbesi jabylýda. Al sýarmaly alqaptyń qural-jabdyqtaryna qajetti 700 mıllıon teńge shamasyndaǵy qarjyny aldaǵy ýaqytta «Bıznestiń jol kartasy-2020» baǵdarlamasy boıynsha «Temirbankten» alýǵa nıetti.
Nesıe alý kelisimsharty oń sheshimin tapty, deıdi seriktestik basshysy Jasulan Ahmetov. Joba jolǵa tússe, bul fermanyń bereri mol ekenine senimdi. Sharýa qojalyǵy asyl tuqymdy sútti sıyrlardy Germanııadan ákeledi. Maldy ózgeshe tásilmen ósirmek. Iаǵnı jańa tehnologııa boıynsha sıyrlar qorada baılanbaı erkin júredi. Jaıylymǵa shyqpaıdy. Qalaǵan ýaqytynda jem-shóbin jep, sýyn ishe alady. Árbiriniń jatatyn orny jasalady. Tipti, súıkenetin arnaıy shetkalary da bolady. Kúnine birneshe ret saýylady. Sıyrlardy saýý jumysyn nemistiń ozyq tehnıkasy júzege asyrady. Mundaı jańashyldyq árbir sıyr beretin súttiń kólemin 15-20 paıyzǵa arttyrady eken. Al, jıi qozǵalysta bolatyn mal, kóp aýyrmaıdy, deıdi mamandar. Bul rette tehnıka men mal satyp alýǵa qajetti 917,2 mıllıon teńge qarjyny seriktestik «QazAgroQarjy» AQ arqyly alady. Qazirgi tańda qujattary retteldi. Taýarly-sút fermasy 2014 jyly iske qosylady. Jańa jumys oryndary ashylady. Sharýa qojalyǵy jumysshylarǵa arnap «Agroqalashyq» qurylysyn júrgizýde. Seriktestik Chernoresk aýyldyq okrýgi aýmaǵynda, fermaǵa jaqyn jerde 32 páterli eki qabatty turǵyn úıdi qalpyna keltirip, jumysshylardy sonda ornalastyrady.
Farıda BYQAI,
«Egemen Qazaqstan».
Pavlodar oblysy.
