Rýhanııat • 10 Shilde, 2019

Jánibektiń shapany

293 ret kórsetildi

Myna jádiger jalpaq jurtqa tanymal dás­túrli ánshi, bıyl týǵanyna 70 jyl tolyp otyrǵan Jánibek Kár­menovtiń sha­pany. Bul buıym qazir Semeı qalasy oblystyq tarıhı-ólketaný mýzeıiniń kórme zalynda tur. «Shapandy ataq­­ty ánshi 1990 jyldyń jazynda Mońǵolııanyń qa­zaqtar shoǵyrlana qonystanǵan Baı-ólke aımaǵyna gastroldik saparmen bar­ǵan joly arnaıy tiktirgen eken» deıdi joǵarydaǵy mýzeı basshysynyń orynbasary Lázzat Tileýqojaqyzy.

Jádigerdi ánshiniń týǵan apaıy Rymǵaısha Qurysheva 2012 jyly mýzeıge tapsyrypty. Al shapannyń syn-sıpatyna toqtalar bolsaq, tysy kúreń púlish tústes pańbarqyt. Astary qarapaıym – qyzyl mata. Jalpy poshymy sholaq jeńdi jigitter jeleń kıetin kamzol pishindes. Qos óńiri men jeńjıegi sýsyma sary matamen qaýsyrylyp, ań stılindegi beıne-músinmen qosamjarlana jıektelgen eken.

Al Jákeńniń Baı-ólkege sapary jaıly sol tusta jergilikti baspasóz betterinde kóptegen estelikter jazylypty. Sol jazbalar avtorynyń biri qazir elordada turyp jatqan qalamger Bodaýhan Toqan aǵamyz: «Qazaqtyń dúldúl ánshisi, ulttyq án óneriniń antologııasy, tipti tutas ensıklopedııasy ispetti telegeı talant ıesi Jánibek Kármenov 1990 jyly Baı-ólkege keldi. Basynda taqııa, ústinde kesteli kúreń-qyzyl shapan, shanaǵy shómishtiń basyndaı, turqy qoldyń qarynan aspaıtyn kip-kishkentaı qara dombyrasyn kúmbirletip, kúlli kórermen aldynda án shyrqady. Tipti aımaq ortalyǵynan shalǵaı Delýin aýylyna barǵanymyzda, án tyńdaýǵa jınalǵan halyq shaǵyn klýbqa syımady. «Endi ne isteımiz, Jáke?» degenimde Jánibek: – Sheginerge jol joq. Qaıran, qazaǵym-aı! Senderden ánim de, janym da sadaǵa! Eldi syrtqa shyǵaryńdar, keń dalada shyrqaıyn, – dep jurtty ózi bastap syrtqa shyqty» depti.

Jákeń Qobdanyń qońyr dalasyn ánge bólep jatqanda, sonaý Almatydan alyp-ushyp súıinshi habar jetipti. «Qatynyń ul tapty». Sondaǵy týǵan bala qazirgi talapty jas, otandyq teleefırlerde baǵdarlama júrgizip júrgen Shah-Kerim Jánibekuly eken.

Sońǵy jańalyqtar

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar