Aıaly alaqan
Beısenbi, 21 aqpan 2013 7:17
Jetimin jylatpaǵan, jesirin qańǵyrtpaǵan el edik. Qundylyqtar qubylyp, ózgerip jatqan zaman ǵoı. О́zekti ókinish órtegenimen, jetimder jeterlik, jesirler de az emes. Endi qaıtpek kerek? Jetimniń basynan sıpaı almasaq, eldigimiz qaıda? Jylaǵan jesirdiń kóz jasyn súrtýge jaramasaq, azamattyǵymyzǵa syn emes pe?
Beısenbi, 21 aqpan 2013 7:17
Jetimin jylatpaǵan, jesirin qańǵyrtpaǵan el edik. Qundylyqtar qubylyp, ózgerip jatqan zaman ǵoı. О́zekti ókinish órtegenimen, jetimder jeterlik, jesirler de az emes. Endi qaıtpek kerek? Jetimniń basynan sıpaı almasaq, eldigimiz qaıda? Jylaǵan jesirdiń kóz jasyn súrtýge jaramasaq, azamattyǵymyzǵa syn emes pe?
Qyzylordada «Sábıler úıi» ashyldy. Ásilinde, muny jetimder úıi dep túsinýge bolmaıdy. Munda qandaı balalar jatady? Árıne, aldymen jetim balalar ornalastyrylady. Ata-anasynyń qamqorlyǵynan tys qalǵan sábıler osynda turmaq. Búgingi kúni nekesiz balalar da kelip jatyr ómirge. Olar da osyndaǵy mamandardan meıirim tappaq. Sonymen birge, qazirgi kezde ómirge endi ǵana kelgen sharananyń da densaýlyǵy nashar bolyp jatady. Aıtalyq, aqyl-oıy damymaı qalady. Dene múshesiniń damýynda kinárat bolady. Osyndaı balalarǵa da «Sábıler úıinde» medısınalyq qyzmet kórsetiledi.
Atalǵan ortalyq jaqynda ǵana paıdalanýǵa berildi. Aıaly meken 60 balaǵa arnalǵan. Onda jatyn oryndary men ár topqa bólingen balalardyń bólmeleri bar. Máselen, «Balapan» tobynda – 10, «Qarlyǵash» tobynda – 6, arnaıy mamandandyrylǵan eki «Botaqan» tobynda – 8, sondaı-aq, eki bólikten quralǵan «Úmit» tobynda – 13 bala bar.
«Sábıler úıinde» fızıoterapııa kabıneti, egý bólmesi, medısınalyq qaldyqtar, dári-dármekter saqtaıtyn jáne qabyldaý bólmeleri jumys isteıdi. Onda 2 dáriger, 2 logoped, 1 pedagog-psıholog, 1 dáriger-psıholog jáne 26 orta býyn medısına qyzmetkerleri, onyń ishinde 4 tárbıeshi qyzmet etedi.
Munda balalar 3 jasqa deıin tárbıelenbek. Al psıhıkasyna zaqym kelmeı ortalyq nerv júıesi buzylǵan jáne estý, sóıleý qabiletteri joq balalardy 4 jasqa deıin tárbıeleıdi. Odan bólek, taǵy bir toptaǵy balalardy «Sábıler úıiniń» ákimshiligi óz tarapynan 5 jasqa deıin tárbıeleı alady.
Alaqaılap jazatyn aqparat emes edi. Biraq dúnıe esigin ashqannan qoǵamnyń qatygezdigin kórip, ata-ananyń aıaly alaqanyn sezinbegen sábılerge jan jylýyn beretin ortalyqtyń ashylǵanyna qýanyp jatqan jurtshylyq kóp. Eń bolmaǵanda, balalar qaryny toq, kıimi kók, deni saý bolyp jetiledi ǵoı.
Erjan BAITILES,
«Egemen Qazaqstan».
QYZYLORDA.
