Juptary jarasqan

Seısenbi, 12 naýryz 2013 6:43

Omarovtardyń uıymshyl áýletin bul óńirdiń jurtshylyǵy jaqsy biledi. Olar «Qazaqmys» kompanııasyna qarasty Batys Jezqazǵan kenishiniń № 73 shahtasynda eńbek etip el ıgiligin eseleýge úlesterin qosyp júr. Qashanda jumylyp jumys isteýdi dástúrge aınaldyrǵan aǵaıyndy Omarovtardyń alǵan asýlary men jetken jetistikteri kópke ónege. Baqytyn eńbekten tapqan olardyń jan dúnıeleri de taza. Shyraıly júzderinen meıirim shýaǵy tógilip, izgiliktiń lebi esip turady. Kelbetterine qarasań, kóz toıady. Sóılese qalsań, jyly sózderimen baýrap alady.

Seısenbi, 12 naýryz 2013 6:43

Omarovtardyń uıymshyl áýletin bul óńirdiń jurtshylyǵy jaqsy biledi. Olar «Qazaqmys» kompanııasyna qarasty Batys Jezqazǵan kenishiniń № 73 shahtasynda eńbek etip el ıgiligin eseleýge úlesterin qosyp júr. Qashanda jumylyp jumys isteýdi dástúrge aınaldyrǵan aǵaıyndy Omarovtardyń alǵan asýlary men jetken jetistikteri kópke ónege. Baqytyn eńbekten tapqan olardyń jan dúnıeleri de taza. Shyraıly júzderinen meıirim shýaǵy tógilip, izgiliktiń lebi esip turady. Kelbetterine qarasań, kóz toıady. Sóılese qalsań, jyly sózderimen baýrap alady.

Aldymen áńgimelesý reti № 35 óndirý ýchaskesiniń bastyǵy Ermek Omarovqa tústi. Ermek Marsuly óz taǵdyryn ken ón­dirý ónerkásibimen tyǵyz baıla­nystyrǵanyna óte rıza. О́ıtkeni, bir kezde atasy da, odan keıin ákesi de osyndaǵy shahtada ken qoparyp qajyr-qaı­rat tanytypty. S.Seıfýllın atyn­daǵy gımnazııany bitirgen Ermek endi joǵary bilim alýdy uıǵaryp, Jezqazǵan memlekettik ýnıversıtetiniń tabaldyryǵyn attady. Oqýdy oıdaǵydaı aıaqtap, ken ınjeneri mamandyǵyn alyp shyqty. Sóıtip, eńbek jolyn Batys kenishindegi qoparýshylar tobynda úırenýshi bolyp bastady. Zymyraǵan ýaqyt. Ara­da on bir jyl ótti. Mine, sodan beri osynda taban aýdarmaı jumys istep keledi. Árıne, bastapqyda bári ońaı bolǵan joq. Qıyndyq ta kezdesti. Osyndaı sátterde tálimgeri Alek­sandr Kım qamqorlyǵyn aıamady. Kóp jyl boıy jınaqtaǵan baı tájirıbesin shákirtine úıretýden jalyqpady. Jastaıynan zerek jigit jumystyń qyr-syryna ábden qanyǵyp, bi­likti mamanǵa aınaldy. Jarqyn bolashaqqa jol ashyldy. Ýchaske bastyǵynyń orynbasary qyzmetine taǵaıyndaldy. Jaýapkershilik júgi aýyrlady. Muny jete túsingen ol júktelgen mindetti minsiz atqarýdy basty maqsat etip qoıdy. Izdenis pen iskerlik qatar júrgende ǵana je­tistikke jol ashylatyny anyq eken. Qyzmet baspaldaǵy taǵy da bıiktedi.

– Tapsyrylǵan jumysty tap-tuınaqtaı oryndaýdy alǵashqy kúnnen-aq daǵdyǵa aınaldyrdym. Iske júrdim-bardym qaraý qııanat. О́ndiriste tártiptiliktiń ornyǵýyna biraz kúsh jumsadym. Sonyń nátıjesinde eńbek ónimdi­ligi ósip, belgilegen mejeden úne­­mi shyǵyp júrmiz, – deıdi Er­mek Omarov. – Bizdiń ujymdaǵy burǵylaý qondyrǵylarynyń besas­pap jetekshileri Qaırat Baıysov pen Baqtııar Janalınov tárizdi tar­landardyń eńbekterin erekshe baǵalaǵan jón. О́ndiristi órge súırep júrgender de mine osy azamattar. Al shahta bastyǵy Rýslan Elkeevtiń jalpy júrgizip otyrǵan jumysyn bóle-jara aıtýǵa bolady. Ol óndiriste kezdesetin kez kelgen kúrdeli másele túıinin sheberlikpen sheshedi.

Ermek Omarovtyń ózi de syı-sııapattan quralaqan emes. Ál­deneshe ret túrli deńgeıdegi qur­met gramotalarymen marapattaldy. Ermek Marsulynyń mundaı bıikterge qol jetkizýine zaıyby Quralaıdyń da kómegi kóp tıdi. Omarovtardyń baqytty otbasynda jelkildep úsh bala ósip keledi. Qyzy Kamıla, uldary Álıhan men Mıras tatý-tátti shańyraqtyń kózaıymy. Jaıdary minezdi Quralaıdyń qamqorlyǵynyń arqasynda Er­mek Omarov osyndaı dárejege kóterilip otyr.

Ermektiń týǵan aǵasy Erken Omarovtyń Batys Jezqazǵan kenishinde jumys istegenine bir­neshe aıdyń júzi tolypty. Ol buǵan deıin Shyǵys Jezqazǵan kenishinde ken qoparǵan eken. 1998 jyly mektepti bitirisimen bir­den jumysqa ornalasypty. Erken Marsuly kenishtiń №57 shahtasynda qaınaǵan jumystyń ortasynda júrip mol tájirıbe jınaqtaǵan. Aldymen qoparǵysh materıaldardy jetkizýshi bolyp istegen. So­dan keıin qoparýshy retinde talaı qaýipti jumystyń ortasynda júripti. Keıinirek kásibin ózgertip, elektrovoz mashınısi bolady. Maıtalman mamannyń eńbegi elenip, 2011 jyly Jezqazǵan qalasynyń Ken­shiler alańynda oryn tepken mádenıet úıine taqaý jerdegi Qurmet taqtasyna sýreti ilinipti.

– Maǵan Batys Jezqazǵan kenishiniń №73 shahtasyna jumysqa aýysýyma qaıyn atam Hamıt Bekejanov keńes ber­di, – dep áńgi­me­sin odan ári jalǵastyrdy Erken Omarov. – Men buǵan qýana kelistim. Qazir elektrovoz mashınısteriniń brıgadırimin.

Erken Marsuly júrip ótken eńbek jolyn Oleg Chernyshovpen, Aleksandr Petrenkomen, Alek­sandr Taratynkınmen tikeleı baılanys­tyrady. Sebebi, atalǵan azamattar jastarǵa qamqorlyq kórsetip, kóp nársege baýlydy. Er­ken osy kisilerge áli kúnge alǵysyn jaýdyrady.

– Eger de qaramaǵyńda qyzmet isteıtin adamdarmen ortaq til tappasań, alǵashqy kezekte ózińe de qıyn bolary sózsiz, – deıdi Erken Omarov. – Sondyqtan da búkil ujymnyń qoldaýyna súıenip, isti baıyppen sheshken abzal. Meniń qaramaǵymda bes adam eńbek etedi. Olardyń ishinde, ásirese, aýysym sheberi Andreı Shorohovtyń orny bólek. Andreımen keńesýdiń ózi bir ǵanıbet. Ázirge brıgadamyz eski tehnıkamen jumys istep júr. Taıaýdaǵy ýaqytta bizdiń №40 rels ýchaskesi tehnıkalyq qaı­­­ta jaraqtandyrýdan ótedi dep senemin.

Erken Marsulynyń eńbektegi jetistigin áıeli Aqtorǵyn, uly Qýanysh, qyzy Shahıda maqtanysh tutady. Al osydan úsh aı buryn kenje qyzy Aıjer dúnıege kelip, qýanyshtaryn odan ári asqaqtatty.

Serik Omarov – aǵaıyndy úsheý­­diń eń kenjesi. Ol da jas­taıynan óz ómirin shahtadaǵy jerasty jumystarymen baılanystyrýdy uıǵarypty. №27 mekteptiń on birinshi synybyn támamdap kásibı-tehnıkalyq ýchılıshege jol tartty. Ondaǵy maqsaty burǵylaý qondyrǵysynyń mashınısi ári burǵylaýshynyń kómekshisi ma­mandyǵyn alý edi. Ol Batys Jez­qazǵan kenishine jumysqa tur­mastan buryn elektr slesarlaryn daıyndaıtyn qysqa merzimdi kýrs­tan da ótip aldy.

– Men №73 shahtaǵa 2002 jyly jumysqa ornalastym, – deıdi Serik Marsuly. – Alǵashqyda TORO-servıste slesar bolyp eń­bek ettim, sodan keıin montajdaý ýchaskesine elektrslesar-montajdaýshy bolyp aýystym. Buryn ojaýy bar tehnıkaǵa qyzmet kór­setsem, qazir sorǵylardyń qa­­lyp­ty jumys isteýin qadaǵa­laımyn. Mamandyǵym ózime unaı­dy. Ara-tura kezdesip qala­tyn qıyn­dyqtardy syrttan kómek sura­maı-aq eńserip tastaımyn.

TORO-servıste qyzmet istep júrgen kezinde-aq talaı márte madaqtaldy. Eńbeksúıgishtigimen kóptiń kózine túsip, alǵysqa kene­lip júrdi.

– Men áli de izdenis ústindemin. О́z salamnyń mánisi men maǵyna­syna tereń boılaýdy ádetke aınaldyrdym. Sonyń nátıjesinde tájirıbe jınaqtap, kásibimdi shırata tústim. Tapsyrylǵan mindetti abyroımen atqarsań, marapattyń ózi izdep keleri shúbásiz. Eń bastysy – jumysqa adaldyq tanytý kerek, – deıdi Serik.

Qarbalasqa toly kezekti ju­mys­tan keıin Serik Omarov úıine asyǵady. О́ıtkeni, otaǵasyn zaıyby Oksana dastarqanyn jaıyp, al qyzy Darına men uldary Danıl jáne Danııar qýanyp tosady.

– О́z úıim – óleń tósegim, – dep jymııady Serik Marsuly.

Aǵaıyndy Erken, Ermek jáne Serik Omarovtar qaryndastary Merýertti qadirlep qurmet tuta­dy. Aǵalary tárizdi Merýert te Batys Jezqazǵan kenishindegi №73 shah­tanyń qyzmetkeri. Qazir ol dekretti demalysta.

– Sátbaev qalasyndaǵy orta mekteptiń 11-shi synybyn bitir­gennen keıin Qazaqstan-Reseı qazirgi zamanǵy gýmanıtarlyq ýnı­versıtetine ınformatıka ma­man­dyǵy boıynsha oqýǵa tú­sýge qujat tapsyrdym, – deıdi Merýert. – Alaı­­da oqýdy aıaqtaǵan soń №55 shahtada jumys isteýge bel býdym. Sóıtip, jaryq túsirýshi bolyp ornalastym.

Merýert Omarova óz kásibiniń qyr-syryn jetik meńgerýge ma­mandandyrylǵan kýrsta oqyp qol jetkizdi. Merýerttiń tolysýyna Natalıa Bekker baı tájirıbesimen bólisip, biligin ushtady. Degenmen, ómir bir ornynda turmaıdy. О́z­gerister bolyp jatatyny belgili.

– Men qashanda adamdarmen arqa-jarqa aralasýdy unatamyn. Ári jumys ornymdy ózgertýdi uıǵardym, – deıdi Merýert. – So­ny­men, №73 shahtaǵa aýysyp, janar-jaǵarmaı taratýshy operator tizginin ustadym. Maǵan bul jumysta Jumakúl Aıtbaevanyń sharapaty kóp tıdi.

Merýert qazir jubaıy Almat­pen birge Arýjan jáne Aıjan esimdi qos qyzyn tár­bıelep, qy­zyq­taryna qanyp júr. Taıaýda súıikti jumysyna oralmaq.

Sátbaev – kenshiler qalasy, al Jezqazǵan – metallýrgter qalasy. Jalpy alǵanda, óńirde Omarovtar sekildi ondaǵan tatý-tátti eńbek áýletteri bar. Olardyń atalary men ákeleri kezinde Jezqazǵan óńiriniń ósip-órkendeýine súbeli úlesterin qosqany shúbásiz. Qos qalanyń qalyptasýyna sińirgen eńbekteri erekshe. Mine, qazirgi tańda sol sańlaqtardyń urpaqtary kenshilerdiń dańqty dástúrin laıyqty jalǵastyrýda. Juptary jarasyp, atakásip sabaqtastyǵyn úzbegen aǵaıyndy Omarovtardyń búgingi qajyrly eńbekteri sonyń naqty kýási.

Svetlana GÝMBOLDT.

Qaraǵandy oblysy,

Sátbaev qalasy.

––––––––––––––––––

Sýretti túsirgen

Álına JUMAShEVA.