Qazaqstan • 17 Shilde, 2019

Tıimdilikti arttyratyn qujat

125 ret kórsetildi

Qazaqstan halqy Assambleıasynyń Ǵylymı-sarapshylyq keńesi men Mádenıet jáne sport mınıstrligi «Qoljazbalar jáne sırek kitaptar ulttyq ortalyǵy» RMM arasynda yntymaqtastyq týraly memorandýmǵa qol qoıyldy.

Sharaǵa Qazaqstan halqy Assambleıasy Tóraǵasynyń orynbasary – Hatshylyq meńgerýshisi Janseıit Túımebaev, Mádenıet jáne sport vıse-mınıstri Erlan Qojaǵapanov, QHA Ǵylymı-sarapshylyq keńesi músheleri, qoǵam qaıratkerleri, ǵalymdar, etnomádenı birlestikter men jastar uıymdarynyń ókilderi qatysty.

«Búgin biz Qazaqstan halqy Assam­bleıa­synyń Ǵylymı-sarapshylyq keńesi men Qa­zaqstan Respýblıkasy Mádenıet jáne sport mınıstrliginiń «Qoljazbalar jáne sırek kezdesetin kitaptar ulttyq ortaly­ǵy» arasyndaǵy yntymaqtastyq týraly memo­randýmǵa qol qoıylýyna arnalǵan mańyzdy is-sharanyń kýási bolyp otyrmyz. Bul tarıhı sát qoǵamdyq kelisim men jalpyulttyq ha­lyq birligin nyǵaıtýdaǵy Qazaqstannyń ǵy­ly­mı-saraptama qaýymdastyǵynyń jumys­­taryna jańa belester men perspektıvalar ashatyndyǵy sózsiz», dedi Janseıit Túımebaev.

Yntymaqtastyq týraly bul qujat arqyly Qazaqstan halqy Assambleıasy Ǵylymı-sarapshylyq keńesiniń tóraıymy Aıgúl Sádýaqasova men Mádenıet jáne sport mınıstrliginiń «Qoljazbalar jáne sırek kitaptar ulttyq ortalyǵy» RMM dırektory Jandos Boldyqov joǵary bilim, ǵylym men mádenıet aıasyndaǵy tikeleı jáne ózara tıimdi yntymaqtastyqty ornatý, ulttyń mádenı jáne jazba murasyn saqtaý salasynda kelisimge keldi. 

Mundaǵy maqsat – eki jaqtyń múmkindikteri men ǵylymı-zertteý qyzmetterin tıimdi paıdalaný, mádenı murany saqtaý, eldiń tarıhyna, mádenıetine jáne turmys jaǵdaıyna qatysty qoljazbalar men sırek kitaptardyń qundylyǵyn anyqtaý, aýdarý, zertteý jáne ǵylymı aınalymǵa engizý, kitap jádigerlerin qalypqa keltirý, olardy katalogtandyrý, sıfr­ly júıege kóshirý, qoljazbalardyń sıfr­ly kóshirmelerinen mıkrofılmder jasap, saqtaý salalarynda ǵylymı tájirıbe almasý. Sonymen qatar katalogtandyrý, qoljazba baspalary, lıtografııa, bettik baspa, sıfrly kóshirmeler men qoljazbalardy qoldaný jáne qaıta qalpyna keltirý jumystaryna qatysý maqsatynda mamandarmen almasý da kózdeledi. Osyǵan sáıkes, kelisimshart aıasynda uzaq jáne qysqa merzimdi taǵylymdamadan, oqý-óndiristik jáne ǵylymı tájirıbeden ótý jáne zertteýshilermen kásibı (óndiristik, zertteý) tájirıbeler almasý kózdelgen. Sondaı-aq ózara ortaq múddeni kózdeıtin jáne tarıhı qundy bolyp tabylatyn jazba eskertkishterin saqtaý jáne paıdalaný salasynda joǵary bilikti ǵylymı kadrlar men mamandardy daıarlaýǵa qol jetkizilmek.

Ǵylymı eńbekterdi daıyndaýda jáne olardy basyp shyǵarýda ǵylymı keńes berý jáne qos jetekshilik etý úshin, sonyń ishinde, ǵylymı konsýltanttardy tartý arqyly ǵylymı-praktıkalyq zertteýler júrgizý josparlanyp otyr. Taraptar birikken konferensııalar, semınarlar, sımpozıýmdar, dóńgelek ústelder uıymdastyryp, basqa da uqsas ǵylymı sharalar jáne dostastyq elderdiń tarıhyn zertteý aýmaǵyndaǵy ózge de bastamalardy júrgizedi. Sondaı-aq ǵylymı eńbekterdi jarııalaý, bilim berý baǵdarlamalarynyń sheńberinde granttar alýǵa ortaq málimdemeler daıyndaý, halyqaralyq kórmeler men jármeńkeler uıymdastyrý, birlesip ǵylym, mádenıet, t.b. salalary boıynsha kitap shyǵarýǵa atsalysý, kitap saqtaý jáne sıfrly kóshirmesin jasaý, qalpyna keltirý salasy boıynsha tájirıbe almasý máseleleri de qamtylady.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar