Qazaqstan monetalary
Seısenbi, 2 sáýir 2013 0:23
Ony qazirgi tańda Ulttyq Banktiń ınternet-dúkeninen satyp alýǵa bolady
Zamanaýı sandyq tehnologııalar adamdarǵa ózara áńgimelesý, túrli formattaǵy faıldarmen almasý, olardy kóshirý ǵana emes, sonymen qatar, úıden nemese keńseden shyqpaı-aq kerek nárselerin satyp alýyna jáne aqy tóleýine múmkindik beredi. Ǵalamtor arqyly adam óz ómirine kúndelikti qajettiniń barlyǵyn derlik satyp alýyna bolady.
2012 jylǵy qarashada Ulttyq Bank Qazaqstannyń ulttyq valıýtasynyń kolleksııalyq monetalaryn kez kelgen adam qolma-qol emes esep aıyrysý boıynsha satyp alýǵa bolatyn óziniń menshikti Internet-dúkenin ashty.
Seısenbi, 2 sáýir 2013 0:23
Ony qazirgi tańda Ulttyq Banktiń ınternet-dúkeninen satyp alýǵa bolady
Zamanaýı sandyq tehnologııalar adamdarǵa ózara áńgimelesý, túrli formattaǵy faıldarmen almasý, olardy kóshirý ǵana emes, sonymen qatar, úıden nemese keńseden shyqpaı-aq kerek nárselerin satyp alýyna jáne aqy tóleýine múmkindik beredi. Ǵalamtor arqyly adam óz ómirine kúndelikti qajettiniń barlyǵyn derlik satyp alýyna bolady.
2012 jylǵy qarashada Ulttyq Bank Qazaqstannyń ulttyq valıýtasynyń kolleksııalyq monetalaryn kez kelgen adam qolma-qol emes esep aıyrysý boıynsha satyp alýǵa bolatyn óziniń menshikti Internet-dúkenin ashty. QR UB TMD aýmaǵyndaǵy elderdiń ortalyq bankteri ishinde óziniń menshikti Internet-dúkenin ashqan jalǵyz bank ekenin atap ótkimiz keledi. Qazaqstan Respýblıkasy Ulttyq Bankiniń fılıaldarynda satylatyn kolleksııalyq monetalardyń baǵasy baǵaly metalǵa jumsalǵan shyǵynnan, soǵý jáne ilespe shyǵystar qunynan turady. Ulttyq Bankiniń Internet-dúkeni arqyly satyp alynǵan kezde satyp alýshy jetkizý jáne saqtandyrý boıynsha shyǵystardy qosymsha kóteredi. Bul rette negizinen alyp-satarlar – reteılerler, dıstrıbıýtorlar qosatyn qandaı da bir ústeme aqylar bolmaıdy. Reteılerler men dıstrıbıýtorlardyń qyzmetine ortalyq bankterdiń kópshiligi monetalardy satý jaýapkershiligin ózderinen alyp tastaı otyryp júginedi. Bular bankter de, sondaı-aq baǵaly metaldardan jasalǵan buıymdardy satýmen aınalysatyn basqa uıymdar da bolýy múmkin.
Monetalardy QR UB Internet-dúkeni arqyly satyp alý úshin paıdalanýshy tapsyrys berýdiń qarapaıym rásimin oryndaýy jetkilikti: unaǵan monetalardy tańdaýy jáne olardyń sanyn, qajetti derektemelerdi kórsetýi jáne aqy tóleýi tıis. Tapsyrysqa aqy tóleý «Qazkommersbank» AQ-nyń Internet-resýrsyna «E-pay» elektrondyq tólemder júıesi arqyly júrgiziledi, oǵan paıdalanýshy «Aqy tólensin» degen batyrmany basqannan keıin avtomatty túrde qaıta jiberiledi. Tólem kartochkasynan aqy tólengen kezde komıssııa úshin qandaı da bir somalar esepten shyǵarylmaıdy. Sondyqtan da satyp alýshy kartochkadan aqy tólegen kezde QR UB Internet-dúkenine tapsyrys boıynsha avtomatty túrde eseptelgen soma ǵana esepten shyǵarylatyndyǵyna tolyq senimdi bola alady. Banktik kartalardyń barlyǵy birdeı bastapqydan Ǵalamtorda aqy tóleý opsııasyna ıe emes ekendigin atap ótý qajet. Karta Ǵalamtorda qarjy operasııalaryn júrgizýdi qoldaıtyn-qoldamaıtyndyǵyn bilý úshin emıtent banktiń ókilinen keńes alý qajet. Ádette, kartada osyndaı opsııa bolmasa, onda bul másele emıtent bankte osyndaı qyzmetke qosýǵa ótinish resimdeý arqyly nemese, tipti, kartochka bergen banktiń klıentterdi aqparattyq qoldaý ortalyǵyna telefon shalý arqyly sheshiledi.
Tapsyrysqa aqy tólengennen keıin tapsyrys «Qazpochta» AQ-nyń «EMS» kýrerlik jetkizý qyzmetine beriledi. Monetalar «EMS» kýrerlik jetkizý qyzmetiniń konvertteri jáne qoraptaryna oralady, olardyń kólemi tapsyrys berilgen monetalardyń sanyna baılanysty bolady. Jetkizýdiń quny QR UB Internet-dúkeninde tapsyrysty resimdeý kezinde pochtalyq jóneltilimniń salmaǵyna jáne «Qazpochta» AQ-nyń tarıfteri boıynsha avtomatty túrde esepteledi.
Jetkizý somasyna satyp alynǵan monetalardyń jalpy somasynyń 1% mólsherindegi avtomatty túrde esepteletin saqtandyrý somasy kiretindigin atap ótken jón. Saqtandyrý tapsyrys qandaı da bir sebeptermen óz adresatyna jetpegen jaǵdaıda satyp alýshyny qaýipsizdendirý úshin kózdelgen. Monetalar salynǵan jóneltilim joǵalsa, monetalardyń tolyq quny satyp alýshyǵa qaıtarylatyn bolady.
Qorytyndylaı kele, negizinen kóptegen paıdalanýshylar QR UB Internet-dúkeniniń jumysyna rıza ekendigin kelip túsken hattardan bilýge bolatyndyǵyn aıtqymyz keledi. Paıdalanýshylar barlyǵynyń unaıtyndyǵyn ǵana emes, sonymen qatar, osy qyzmet túrin qalaısha odan da jaqsartýǵa bolatyndyǵyn jazatyndyǵyna da rızamyz. Kelip túsken usynystar negizinde jaqyn arada QR UB Internet-dúkeniniń jumysy jetildiriletin bolady.
Monetalardy satyp alýdyń barlyq talaptarymen «Qazaqstan Respýblıkasy ulttyq valıýtasynyń ınvestısııalyq jáne kolleksııalyq monetalaryn satý týraly aqparat» qujaty ornalastyrylǵan «Ulttyq valıýta» bólimindegi QR UB Internet-resýrsynda barynsha jan-jaqty tanysýǵa bolady.
Jasulan TAIPAQOV,
Qazaqstan Respýblıkasy Ulttyq Banki Qolma-qol aqshamen jumys departamentiniń bas ekonomısi.
