Shapaǵaty mol yntymaqtastyq

Senbi, 6 sáýir 2013 2:05

Qaraǵandy aımaǵynyń tabıǵı qazynasy asa baı ekeni málim. Soǵan baılanysty órkendegen óndirisiniń odan saıyn damýyna múmkindik keń. Ásirese, temir, marganes, kómir jáne mys keni kózderi taý-ken metallýrgııa keshenin oblys ekonomıkasynyń basty tiregine aınaldyryp otyr. О́ńirdegi ónerkásiptik óndirisi jalpy kóleminiń 70 paıyzy osy salaǵa tıetindigi sony kórsetedi.

Senbi, 6 sáýir 2013 2:05

Qaraǵandy aımaǵynyń tabıǵı qazynasy asa baı ekeni málim. Soǵan baılanysty órkendegen óndirisiniń odan saıyn damýyna múmkindik keń. Ásirese, temir, marganes, kómir jáne mys keni kózderi taý-ken metallýrgııa keshenin oblys ekonomıkasynyń basty tiregine aınaldyryp otyr. О́ńirdegi ónerkásiptik óndirisi jalpy kóleminiń 70 paıyzy osy salaǵa tıetindigi sony kórsetedi.

Keıingi jyldarda paıdaly qazbalardy ıgerýge belsendilikpen qatysyp júrgen qompanııalardyń qatarynda «ENRC Kazakhstan»-nyń orny bólek. Álemdik ekonomıkadaǵy qıyndyq sal­qy­­ny sharpymaı ótpeı jatsa da jobalanǵan mindetterge qol jetkizilýi olqy emestigin byl­tyrǵy jumys qorytyndysy aıǵaq­tasa, bıyl da belgilengen mejeden kóriný kózdelgen. My­sal úshin «Shubarkólkómir» keni­shinde otyn óndirý kólemin jyl aıaǵyna deıin 8,6 mıllıon tonnaǵa ulǵaıtý oryndalatyn is sanalady. Sapasy joǵary kómiri elimizden tysqary jerlerge de óte ótimdi atalǵan kenish janyndaǵy kentke Arqalyqtan temir jol tartylýy endi qulashty tipti keńge sermetkeli tur.
Korporasııa sonymen birge, Indýstrııalandyrý kartasyna engizilgen oblys aýmaǵyndaǵy 2 iri jobany iske asyrýdy jal­ǵastyra túsýde. Bulardyń birin­shisi «Shubarkólkómir» AQ kásiporyndarynda koks gazyn paıdaǵa jaratý arqyly elektr qýatyn óndirýge, al ekinshisi jylyna 300 myń tonna koks shyǵaratyn zaýyt salýǵa arnalǵan. Ekonomıkalyq tıimdiligi jaǵynan mańyzdy jobalar dep esepteledi. Máselen, sońǵysy metallýrgııa óndirisi úshin ázirge kórshi elderden ákelýge qymbatqa túsip otyrǵan arnaýly koks tapshylyǵyn joıýǵa jaǵdaı jasaıdy. Munyń syrtynda oǵan eksporttyq baǵa kóterilý  múmkindigi jańa zaýyt keleshegine úlken úmit týǵyzady. Korporasııa qanaty astyndaǵy Jáırem ken baıytý kombınaty, «Qazmarganes» ken basqarmasy óndiristik býyndary tynysyn keńeıtý baǵytynda atqarylýdaǵy ister jáne az emes.
«ENRC», ıaǵnı Eýrazııalyq tabıǵı resýrstar korporasııasy óz eńbekkerlerine áleýetti áleýmettik jaǵdaı qalyptastyrý boıynsha ıgi sharalarǵa da zor mán beredi. Bul rette oblystyq ákimdikpen ózara yntymaqtastyq jóninde jasalatyn dástúrli kelisim-sharttardyń sharapaty mol tıip júr. Jaqynda oblys ákimi Baýyrjan Ábdishev pen ENRC PLC bas atqarýshy dırektory Felıks Výlıs qol qoıǵan osyndaı memorandýmda densaýlyq saqtaý, bilim berý, mádenıet pen sport salasyn qoldaýǵa, turmysy tómen, kóp balaly otbasylarǵa kómek-qamqorlyqqa 587 mıllıon teńge bólinýi kórsetildi. Ol aǵymdaǵy jyly Qarqaraly qalasyndaǵy múgedekterdi ońaltý ortalyǵy ǵımaratyn kúrdeli jóndeýden ótkizý, Nura aýdanynyń Barshyn, Jarasbaı, Kertińdi aýyldarynda jańa sporttyq alańdar salý, birneshe eldi meken ınfraqurylymyn jetildirý sııaqty isterdi atqarýdy qolǵa alatyn boldy.
Beldi de bedeldi kompanııanyń áleýmettik jaýapkershilikke úl­ken mán berý, turǵyndar múd­de­sine ortaqtastyq, soǵan oraı yn­ty­maqtastyqqa yqylastylyq shapaǵaty jyldaǵydaı óńir ómirine molynan tógiledi .
Aıqyn NESIPBAI,
«Egemen Qazaqstan».
QARAǴANDY.