Bıznesi myqty el qýatty

Juma, 12 sáýir 2013 2:50

Ulttyq ınvestorlar keńesiniń túıini, mine, osyndaı

BELSENDI JUMYS ISTEI BILÝ KEREK

Elbasynyń kásipker­ler­men kezdesýi biz úshin árkez eleýli oqıǵa. El Prezıdentiniń otandyq kásipkerlikti qoldaý saıasaty bárimizge málim. Memleket tarapynan shaǵyn jáne orta kásipkerlikti damytý maqsatynda aýqymdy sharalar atqarylyp jatyr. Men bul jaıynda kezdesýde sóılegen sózimde de aıtyp óttim.

Juma, 12 sáýir 2013 2:50

Ulttyq ınvestorlar keńesiniń túıini, mine, osyndaı

BELSENDI JUMYS ISTEI BILÝ KEREK

Elbasynyń kásipker­ler­men kezdesýi biz úshin árkez eleýli oqıǵa. El Prezıdentiniń otandyq kásipkerlikti qoldaý saıasaty bárimizge málim. Memleket tarapynan shaǵyn jáne orta kásipkerlikti damytý maqsatynda aýqymdy sharalar atqarylyp jatyr. Men bul jaıynda kezdesýde sóılegen sózimde de aıtyp óttim.

Kezdesýde kóp másele aıtyldy. Naqty-naqty tapsyrmalar berildi. Menińshe, jergilikti jerlerden, oblystardan kelgen kásipkerlerdiń bári kezdesýden úlken rýh, jiger aldy dep oılaımyn. Elbasy kásipkerlerge júktelgen mindetterdi taǵy da naqtylap aıtty. Al kásipkerlikti damytý baǵytynda kútip turǵan keshendi jumystardy pysyqtap, bizderge naqty-naqty tapsyrmalar júktedi. «Atameken» odaǵy» ulttyq ekonomıkalyq palatasyna Úkimetpen birlese otyryp «Iskerlik ahýaldyń» jańa reıtıngin jasaýdy tapsyrdy. Osy arqyly ortalyq jáne jergilikti atqarýshy organdardyń jumystaryn baǵalap, olardyń nátıjesin BAQ-tarda jarııalaý qajet­tigin aıtty. Sonymen qosa,­ Memleket basshysy ústi­miz­degi jyldyń sońyna deıin «Elektrondy saýda týraly» zań jobasyn, sondaı-aq 5 jyl­dyq merzimge arnalǵan Qa­zaqstandaǵy Internet-saý­dany damytýdyń salalyq pers­pektıvalyq josparyn­ ázirleýdi tapsyrdy. Biz búginde bul baǵyttarda jumys istep jatyrmyz. Endi naqty belgilengen ýaqyttarǵa tıisti josparlardy daıyndaımyz.

Elbasy, ásirese, jergilikti jerde, aýyldyq jerlerde kásipkerlikti barynsha damytý jaıyn aıtty. Aýyldy kóterý, aýyl kásipkerlerin qoldaý, jas kásipkerlerge kómek, aýyl azamattaryna jaǵdaı jasaý syndy ózekti máseleler qaraldy. Áleýmettik salany damytý, klýbtar ashý, áleýmettik sala arqyly kásibı mamandar daıarlaý, jastardy oqytý jóninde óte mańyzdy tapsyrmalar berildi. Biz kezdesýden sondaı bir serpilispen, jaqsy ásermen shyqtyq. Bizdi endi alda aýqymdy jumystar kútip tur. Belsendi jumys jasaýymyz qajet. 

Abylaı MYRZAHMETOV,

«Atameken» odaǵy» ulttyq ekonomıkalyq

palatasynyń tóraǵasy.

____________________

 JAŃAShA JIGER ALDYQ

Meniń biraz ómirim elimiz­diń mashına jasaý salasyna qatysty ótti. Osy sala boıynsha kásipkerlik qurylymǵa je­tekshilik jasaǵan kezde onyń ystyǵyna kúıip, sýyǵyna tońdyq. Qysqasyn aıtqanda, bul salanyń jetistikterimen de, problemalarymen de jaqsy tanyspyn. Osyǵan baılanysty talaı-talaı basqosýlarda óz oı-pikirimdi únemi aıtyp ta júrmin.

Sońǵy kezderdegi úlken bir qýanyshty jaǵdaı, bul­ sala jaqsy damý qarqyn­dylyǵyn kórsetip keledi. Sońǵy úsh jyldyń ózinde ǵana onyń jalpy kólemi úsh ese ósip otyr. Sonymen qatar, bul salanyń bizdiń elimizde buryn bolmaǵan jańa baǵyttary paıda bolyp, damý ústinde. Máselen, temir jol mashınalaryn shyǵarý, avtobýstar shyǵarý, jeńil kólikterdiń sandaǵan túrlerin qurastyrýdy ıgerý isterin alaıyq. Osylardyń barlyǵy bizdiń Qazaqstan úshin múldem tyń da jańa baǵyttar bolyp esepteledi. Endi aýyr mashına jasaý salasyn damytýdyń ózi kún tártibine qoıylyp otyr.

Elbasynyń qatysýymen jáne tikeleı jetekshiligimen ótken Qazaqstan Respýb­lıka­sy Prezıdenti janyndaǵy Kásipkerler keńesiniń otyrysynda sóz alyp, atalǵan sa­lanyń tyń tabystary­ tý­raly sóz qozǵadym. Sóz ara­synda Elbasynyń ózi keltirgen pikirlerine qoldaý bildirip, mashına jasaý salasyn elimizdegi jańa ın­dýstrııalandyrýdyń № 1 má­selesi dep ataǵandyǵy meni úlken qýanyshqa bóledi. Elbasy bul salanyń keleshegi, oǵan memleket tarapynan kórsetiletin qoldaý men qamqorlyqtar týraly aıtyp ótti. Osydan atalǵan salanyń mamandarynyń barlyǵy jaqsy áser aldy dep oılaımyn. Endi olar ózderiniń jasap jatqan jumystaryna tyń kúshpen kirisetindigi anyq.

Qazaqstanda bul sala Ke­den odaǵy aıasynda da jaq­sy qarqynmen damyp kele jatqandyǵyn aıta ketsem­ artyq bolmas. Keden odaǵy­nyń jumysshy organy – Eýra­zııalyq ekonomıkalyq ko­mıssııanyń ótken jylǵy qo­rytyndysy týraly ese­binde de bul jaıt atap kór­setilgen.

Demek, salanyń bolashaǵy úlken. Endi oǵan memleket qol­daýy kúsheıer bolsa, qar­qyndylyǵymyz qazir­giden de arta túsetindigine senim­dimin.

Meıram PIShEMBAEV,

Parlament Májilisiniń depýtaty,

«Atameken» odaǵy» ulttyq eko­nomıkalyq

palatasynyń tóralqa múshesi.

_______________________

PAIDALY BASQOSÝ BOLDY

Qazaqstan Respýblıkasy Prezıdentiniń janyndaǵy Qazaqstan kásipkerleri  keńesiniń otyrysy kásipkerlik qozǵalysty damytý máselesin jan-jaqty talqylaýmen este qalady dep esepteımin.

Biz Elbasynyń aldynda bıznes ókili retinde óz usynys, pikirlerimizdi aıttyq. Sonyń ishinde, meniń qozǵaǵan bir máselem Qazaqstan avtoónerkásibin damytý jaıyna qatysty boldy. Sońǵy jyldary bul sala jaqsy qarqynmen damyp keledi. Degenmen, ol áli óte jas. Aıaǵynan endi ǵana tura bastady deýge bolady. Bul salada uıymdastyrylǵan úsh kásiporyn bolsa, sonyń barlyǵy táýelsizdik jyldarynda ǵana paıda boldy. Sondyqtan, dál qazirgi sátte ónerkásiptiń bul jańa túri memleket qoldaýyna óte muqtaj.

Qazirgi kúni bizdiń «Astana Grour» kompanııasy jeńil avtokólikter men avtobýs qurastyrýdy qolǵa alyp otyr. Alǵashqy nátıje jaman emes. Tipti olardy ózimizge taıaý ornalasqan elderge de ótkize bastadyq. Biraq, bizge bir Keden odaǵynyń aıasyna birikken Belarýs pen Reseı elderi kásipkerleri tarapynan básekelestik qysym óte kúshti bolyp otyr. Olarda bul sala burynnan damyǵan. Sondyqtan men otyrys barysynda Qazaqstanda shyǵarylǵan avtobýstardy memleket arqyly lızıngke tapsyrýda otandyq kásiporyndarǵa artyqshylyqtar berilse degen tilegimdi jetkizdim. Al, dál qazirgi sátte kóliktiń bul túrlerin memleket arqyly lızıngke tapsyrýda Qytaı, Reseı kásipkerlerine birdeı jaǵdaı týǵyzylyp otyr. Keden odaǵy aıasyndaǵy, onan keıin bolatyn Búkilálemdik saýda uıymy aıasyndaǵy kásipkerlik básekege tótep berýimiz úshin, ashyǵyn aıtaıyn, bizge dál qazirgi sátte memleket lobbıi ábden qajet. Budan eshbir uıalýǵa bolmaıdy.

Otyrys barysynda meniń joǵarydaǵy usynysym yqylaspen tyńdaldy. Bul jónindegi naqty bir sheshimdi Úkimet qabyldaıtyny túsinikti. Ol taraptan qoldaý bolady dep úmittenemin.

Qalaı alyp qaraǵanda da, otandyq kásipkerler keńesiniń bul jolǵy otyrysy óte paıdaly boldy dep esepteımin. Elbasynyń ózi kásipkerlikti qoldaý kúsheıe túsetindigin aıtty. Keńestiń ózi burynǵydan joǵaryraq jańa mártebege ıe bolatyn boldy. Osynyń ózi bizdi qanattandyryp tas­tady.

Nurlan SMAǴULOV,

«Astana Grour» kompanııasynyń prezıdenti.