Qazan aýzy joǵary
Beısenbi, 9 mamyr 2013 1:35
«Agrarlyq nesıe korporasııasy» AQ kóktemgi egin egý jáne jıyn-terin jumystaryn júrgizýge qajet 40 mlrd. teńge mólsherindegi respýblıkalyq bıýdjet qarjysyn tolyqtaı ıgerdi
Bıylǵy jyly korporasııaǵa agroónerkásip kesheni sýbektilerin qoldaý boıynsha sharalardy atqarýǵa, sondaı-aq respýblıkalyq bıýdjetten kóktemgi egin egý jáne jıyn-terin jumystaryn júrgizýge 40 mlrd. teńge bólingen bolatyn.
Beısenbi, 9 mamyr 2013 1:35
«Agrarlyq nesıe korporasııasy» AQ kóktemgi egin egý jáne jıyn-terin jumystaryn júrgizýge qajet 40 mlrd. teńge mólsherindegi respýblıkalyq bıýdjet qarjysyn tolyqtaı ıgerdi
Bıylǵy jyly korporasııaǵa agroónerkásip kesheni sýbektilerin qoldaý boıynsha sharalardy atqarýǵa, sondaı-aq respýblıkalyq bıýdjetten kóktemgi egin egý jáne jıyn-terin jumystaryn júrgizýge 40 mlrd. teńge bólingen bolatyn.
Qazirgi tańda bıýdjet qarjysy júz paıyz ıgerildi. Qomaqty aqshanyń esebinen Aqmola, Almaty, Pavlodar, Qaraǵandy, Qostanaı, Shyǵys Qazaqstan jáne Soltústik Qazaqstan oblystarynyń aýyl sharýashylyǵy taýarlaryn óndirýshileri endi 2 mln. 200 myń gektardan astam egis aýmaqtaryna dán seýip, ósirilgen ónimdi ýaqytyly jınaı alady. Budan bólek, aýyl sharýashylyǵy taýarlaryn óndirýshiler atalǵan qarjy arqyly janar-jaǵarmaı materıaldaryn, túrli tehnıkalardy jóndeý úshin qosalqy bólshekter men materıaldardy, mıneraldy tyńaıtqyshtardy, ósimdikterdi qorǵaý quraldaryn satyp alady. Aýyl sharýashylyǵy ónimderin saqtandyrýda saqtandyrý jarnalaryn tóleý jáne daqyldardy egip, jınaýǵa jáne ózge de qajetti sharalardy der kezinde júzege asyrýǵa qol jetkizedi.
Al búgingi kúnderi «Agrarlyq nesıe korporasııasy» AQ nesıe seriktestikteri júıesi arqyly kóktemgi egin egý jumystaryn nesıeleý aıasynda aýyl sharýashylyǵy taýar óndirýshilerinen ótinimder qabyldaýdy odan ári jalǵastyrýda.
Bul baǵdarlamanyń negizinde dál osy ýaqytta 2 mlrd. 933 mln. teńge somasyna 409 ótinim maquldanyp úlgerdi. Soǵan oraı nesıe seriktestikteri júıesi arqyly jalpy alǵanda 2 mlrd. 328 mln. teńgeden astam somaǵa 289 aýyl sharýashylyǵy taýaryn óndirýshige nesıe berildi. Osy qarjyǵa bıylǵy dala jumystarynda sharýalar 475 myń gektardan astam egis aýmaqtaryna dán seýip, dittegen mejeden kórinbek. Iá, qazan aýzy joǵary degen mine osy.
«Agrarlyq nesıe korporasııasy» aksıonerlik qoǵamy – respýblıka Úkimetiniń qaýlysymen 2011 jyly qurylǵan kompanııa. Onyń negizgi maqsaty – Qazaqstan Respýblıkasy agroónerkásip kesheni sýbektilerin qoljetimdi nesıeleý júıesin damytý arqyly agrarlyq salany ındýstrııalandyrý men ártaraptandyrýǵa atsalysý. «QazAgro» ulttyq basqarýshy holdınginiń quramyna kiretin kompanııa basty mindet dep osyny sanaıdy.
Marat AQQUL,
«Egemen Qazaqstan».
