Monǵolııanyń Baıan-О́lgıı aımaǵyna gastroldik saparmen barǵan Qostanaı oblystyq drama teatry Joltaıdyń Álmashulynyń «Muńmen alysqan adam» dramasy boıynsha qoıylǵan spektakldi tartý etti. Osy is-shara barysynda jazýshy-dramatýrgtyń týyndysyna rızalyq bildirgen aımaq basshysy Joltaı Álmashulyna Baıan-О́lgııdiń «qurmetti azamaty» ataǵyn berdi.
Jazýshy bizben áńgimesinde Baıan-О́lgıı aımaǵynda buryn-sońdy bolmaǵanyn, onda turyp jatqan qandastarymyzdyń ultjandylyǵy, elge degen súıispenshiligi baıaǵydan qyzyqtyratynyn aıtty. «Átteń, sapardyń sáti túspeı qaldy. Degenmen, eńbegimizdi elep, «Qurmetti azamat» marapatyn jasapty, alǵysymyz sheksiz! Oǵan ylaıyqpyz ba, joq pa - ony bir Alla biledi», deıdi.
Pesaǵa taǵdyr tálkegimen 20 ǵasyrdyń 30-jyldary shetelge áke-sheshesimen birge ketip qalǵan jas Asannyń arada 70-80 jyl ótkende týǵan elin saǵynyp-ańsaýy, qazaq topyraǵyna qaıtýdy arman etýi ózek bolǵan.
Syrtqy ister mınıstrligi Halyqaralyq aqparat komıtetiniń tóraǵasy Roman Vasılenko kezinde Astanada jýrnalıstermen kezdesken kezde bul qoıylymdy aldaǵy ýaqytta Astanadaǵy barsha sheteldik elshilerdiń qatysýymen sahnalanǵanyn qalaıtynyn, sonan keıin shetelderge tanystyrý múmkindigin qarastyratynyn aıtqan bolatyn.
Osyǵan deıin Tashkentte sahnalanyp, ondaǵy qandastardyń kóńilinen shyqqan týyndy endi mońǵolııalyq qandastardy da qanattandyryp otyr.
