Qostanaıda polıseıler terrorlyq áreketter úshin urymtal, qorǵalýǵa tıis degen nysandardy tekserýdi jalǵastyryp otyr. Áreket etip otyrǵan zańǵa sáıkes mundaı nysandar jylyna kem degende bir ret tekserilýi tıis. Qostanaı óńirinde qaýipsiz bolmaýǵa tıis, urymtal 754 nysan bar. Oǵan qaýipti óndiristik kásiporyndar, strategııalyq, asa mańyzdy memlekettik jáne adamdar kóp jınalatyn nysandar kiredi.
Jyl basynan beri polıseıler osyndaı 519 nysandy tekserdi. Nátıjesinde sonyń 107 nysany Úkimettiń 2015 jylǵy № 191 Qaýlysy talaptaryna tolyq jaýap bermeıdi. Negizgi talaptar vıdeo baqylaýlar men kúzetten, profılaktıkalyq jattyǵýlardy ótkizýden turady. Antıterrorlyq saqtandyrý talaptaryn, qaýipsizdik erejelerin tıisti deńgeıde saqtamaǵan, oryndamaǵan nysandardyń 11 basshysyna ákimshilik hattama jazylyp, barlyǵy 4,5 mıllıon teńge aıyppul salyndy.
«Atameken» ulttyq kásipkerler palatasymen jáne jergilikti atqarýshy organdarymen birlesip, bıznesqurylymdar basshylaryna túsinikteme jumystaryn júrgizdik. Olarǵa tıesili nysandarda terrorǵa qarsy qoǵanys jumystarynyń belgilengen deńgeıin atqaryp otyrý kerektigi túsindirildi», deıdi Oblystyq polısııa departamentiniń ekstremızmge qarsy áreket etý basqarmasy bastyǵynyń orynbasary Erlan Sembın.
