Qujat stýdentter men oqytýshylardyń akademııalyq almasýyn damytý, ǵylymı taǵylymdamadan ótý jáne zertteý jobalaryn júzege asyrýda yntymaqtastyqty kózdeıdi.
Eki ýnıversıtet týrızm, qonaq úı bıznesi, medısına, zamanaýı tehnologııalar jáne basqa da baǵyttardaǵy áriptestikti damytýǵa, sondaı-aq QazUÝ-da birlesken zamanaýı stomatologııalyq ortalyǵyn ashýǵa múddelestik tanytty. Kezdesý barysynda týrızm jáne qonaq úı bıznesi mamandyqtary boıynsha bilim alýshy QazUÝ stýdentteri Antalııa qonaq úılerinde, sondaı-aq túrik ýnıversıteti birlesip jumys isteıtin «Rixos» búkilálemdik jelisinde tájirıbe men taǵylymdamadan ótý múmkindikteri týraly kelisimge qol jetkizildi.
Kezdesýde sóz alǵan QazUÝ rektory Ǵalym Mutanov ýnıversıtet kóptegen túrik joǵary oqý oryndarymen tyǵyz qarym-qatynasta ekenin atap ótti. Qazirgi ýaqytta KazUÝ-da iri medısınalyq-bıologııalyq klaster qalyptasqan. Birlesken stomatologııalyq ortalyǵyn ashý joǵary oqý oryndary arasyndaǵy yntymaqtastyqty damytýdaǵy praktıkalyq qadam bolyp tabylmaq jáne de ınnovasııalyq medısınalyq tehnologııalar transferi men ozyq tájirıbe almasýǵa yqpal etedi, dep atap ótti.
Qazaqstannan kelgen qonaqtardy jyly shyraımen qarsy alǵan professor Ismaıl Iýksek áriptesterine joǵary oqý ornyna shaqyrýdy qabyl alǵandyqtary úshin rızashylyǵyn bildirip, ýnıversıtettiń qyzmeti jáne jetistikterimen tanystyrdy. Antalııa ǵylym ýnıversıteti keń aýqymdy mamandyqtar boıynsha joǵary oqý ornynan keıingi bilim berýdiń pánaralyq baǵdarlamalaryn usynatyn Jerorta teńizi aımaǵyndaǵy belgili bilim berý jáne zertteý ortalyqtarynyń biri ekenin atap ótti. Ismaıl Iýksek qazaqstandyq jetekshi ýnıversıtetpen birlesken jumys oń nátıje beretinine, al eki joǵary oqý ornynyń ózara tıimdi yntymaqtastyǵy Qazaqstan men Túrkııanyń dostyq qarym-qatynastaryn nyǵaıtýǵa óz úlesin qosatynyna senim bildirdi.
ALMATY
