Aksııaǵa Saıram-О́gem memlekettik ulttyq tabıǵı parkiniń qyzmetkerleri, Tólebı aýdany ákimdigi men máslıhatynyń, «Nur Otan» partııasy ardagerler keńesiniń jáne basqa da qoǵamdyq uıymdar ókilderi, jergilikti kásipkerler, Kaspi bank qyzmetkerleri, ekologııalyq uıymdardyń ókilderi, belsendiler, eriktiler, mektep ormanshylyqtary qatysty.
Ekologııalyq senbilik aıasynda ózenderdiń arnasy, týrıstik marshrýttar, Tólebı fılıaly Saıramsý shatqalyndaǵy uzyndyǵy 5 shaqyrym asfalt jol boıyn, 3 shaqyrym ózen jaǵalaýy jáne 8 demalys alańqaılaryn, (14 ga) 2 kordon-demalys úıleriniń, ótkizý-tazalaý beketiniń tóńirekterinde, basqa da tabıǵı oryndarda tazalaý, tártipke keltirý, abattandyrý jumystary uıymdastyryldy.
«Saıram-О́gem» memlekettik ulttyq tabıǵı parkiniń bas dırektory Sahıt Qyntaev atalǵan ekologııalyq aksııa azamattardy Qazaqstannyń florasy men faýnasyn saqtaýǵa jáne ekologııalyq mádenıetiniń damýyna septigin tıgizetinin aıtty.
Uıymdastyrylyp otyrǵan bul aksııanyń mańyzy óte zor. "Jumyla kótergen júk jeńil" demekshi, bir mezette barsha qazaqstandyqtar ıgi iske at salysyp, birliktiń úlgisin kórsetti.
