Sońǵy úsh aıda Úkimet adam kapıtalyn damytýdyń jalpy strategııasy aıasynda úsh negizgi qujatty qabyldady. Birinshi qujat adam kapıtalyn damytýdyń jalpy strategııasynyń bóligi retinde eńbek zańnamasyna ózgertýler engizý boıynsha birqatar túzetýlerdi qamtıdy. Osy strategııada qarastyrylǵan sharalardyń biri eńbek qatynastaryn formalızasııalaýǵa baǵyttalǵan. 2020 jylǵa qaraı «Elektrondyq eńbek kelisimsharttary» aqparattyq júıesi iske qosylady dep boljanýda.
A. Sarbasovtyń aıtýynsha, 17 myńǵa jýyq jumys berýshi atalǵan pılottyq jobaǵa qosylǵan. 700 myńnan astam elektrondy eńbek kelisimsharty elektrondy júıege engizilgen.
«Bul jumystyń túpki maqsaty – azamattarymyzdyń eńbek qatynastaryna qatysýyn arttyrý. Osy júıe arqyly biz qansha azamat eńbek qatynastarymen qamtylǵanyn, olardyń eńbek qyzmetteriniń qandaı ekenin, jumys ýaqytynyń rejımi qandaı ekenin kóretin bolamyz. Bul sharalar bizge belgilengen kórsetkishterge, sonyń ishinde jumys oryndaryn ashý ındıkatorlaryna tıimdirek qol jetkizýge múmkindik beredi», dedi vıse-mınıstr.
Ekinshi qujat qyzmetkerlerge tıisti eńbek jaǵdaılaryn jasaýǵa ákimshilik jaýapkershilikti kúsheıtýdi qarastyrady. A. Sarbasovtyń aıtýynsha, búginde jalaqy tóleýde teń jaǵdaılar jasaý úshin jaýapkershilik qoıylǵan. Barlyq basqa eńbek jaǵdaılary úshin mundaı jaýapkershilik joq.
QR Eńbek jáne halyqty áleýmettik qorǵaý mınıstrligi atalǵan ákimshilik quqyqbuzýshylyqtyń quramyn naqtylaý boıynsha jumystar júrgizýdi josparlap otyr. Qabyldanǵan sharalar jumys berýshilerdi, eń aldymen sheteldik jumys kúshin tartatyn kompanııalardy tıimdi memlekettik baqylaýǵa múmkindik berýi kerek. Tamyz aıynda osyndaı kásiporyndarǵa taldaý jasalady. Ulttyq eńbek naryǵyn qorǵaýǵa baǵyttalǵan tıisti sheshim qabyldanady.
Úshinshi qujat aıasynda Mınıstrlik elimizdiń jaldamaly jumysshylarynyń jartysynan kóbin qamtıtyn kásipodaqtarmen jumysty kúsheıtýdi josparlap otyr.
«Biz jumysshylardyń eńbek quqyqtaryn qorǵaýdyń tıimdiligin arttyrýǵa baǵyttalǵan zań jobasy aıasynda birqatar sharalardy usynamyz. Onda qaýipsiz eńbek jaǵdaılaryn jasaý sharalary, densaýlyqty qamtamasyz etý jáne ómirdi saqtaý máseleleri qarastyrylǵan», dedi A. Sarbasov.
Sońǵy úsh jylda Qazaqstanda óndiristik jaraqattaný 7 paıyzǵa tómendegeni aıtyldy. Kásiptik syn-tegeýrinderdi azaıtý jónindegi jumys jalǵasady.
A. Sarbasov, sondaı-aq, osy jyldyń mamyr aıynda ujymdyq eńbek daýlaryn, eńbek janjaldary dep atalatyn jaǵdaılardyń aldyn alýǵa baǵyttalǵan is-sharalar jospary qabyldanǵanyn habarlady. Josparda memlekettik organdar, jumys berýshiler jáne kásipodaqtar arasyndaǵy is-qımyldardyń naqty algorıtmi qarastyrylǵan. Osy sharalardy iske asyrý aıasynda jumys berýshiler men qyzmetkerler arasyndaǵy ózara árekettesý reıtıngi joǵarylaıdy dep kútilýde.
