Sport • 30 Shilde, 2019

Alekseı Lýsenko «Týr de Fransty» 19-orynmen aıaqtady

303 ret

kórsetildi

1 mın

oqý úshin

Fransııa tas joldarynda ótken velosporttan beıresmı álem chempıonaty – «Týr de Frans» kópkúndigi óz máresine jetti. 106 ret uıymdastyrylǵan básekeniń sońǵy jarys kúninde veloshabandozdar 128 shaqyrymǵa sozylǵan Rambýıe – Parıj, Elıseı alabyn úsh saǵatta júrip ótti.

Álı BITО́RE

Alekseı Lýsenko «Týr de Fransty» 19-orynmen aıaqtady

Sońǵy kezeńniń jeńimpazy sprınterlik jarysta anyqtaldy. Máre syzyǵyn eń birinshi qıyp ótken aýstralııalyq Kaleb Iýen (Lotto Soudal) 21-kezeńniń jeńimpazy atandy. Ekinshi oryndy nıderlandtyq Dılana Grýnevegena (Jumbo-Visma) ıelense, úzdik úshtikti ıtalııalyq Nıkkolo Bonıfasıo (Total Direct Energie) qorytyndylady. «Astana» sapynan úzdik nátıjege Ýgo Ýle qol jetkizdi. Ol márege 15-shi bolyp jetti.

23 kúnge sozylǵan «Týr de Frans» kópkúndiginiń qorytyndysy boıynsha, jalpy esepte 23 jastaǵy kolýmbııalyq Egan Bernal (Ineos) top jardy. Sprınterlik jarys boıynsha slovakııalyq Peter Sagan (BORA – hansgrohe) birinshi oryndy ıelense, Romen Barde (AG2R La Mondiale) taýly kezeńniń úzdik veloshabandozy ataǵyn jeńip aldy. Al bıylǵy maýsymnyń úzdik komandasy dep ıspanııalyq Movistar tanyldy.

«Astana» velokomandasynyń ókili Alekseı Lýsenko «Týr de Fransty» 19-orynmen aıaqtady. Al komandalyq esepte «Astana» 10-orynǵa taban tiredi.