«Memleket basshysynyń tapsyrmasyna sáıkes, jobany ońtaılandyrý jumystary júrgizildi. Úkimet tarapynan Qytaı damý bankiniń qaryzynan bas tartý boıynsha sheshim qabyldandy. Bul 800 mln AQSh dollaryn nemese 300 mlrd teńgeden astam somada qaryzǵa ketetin shyǵystar bóliginde respýblıkalyq bıýdjetke túsetin qarjylyq salmaqty azaıtýǵa múmkindik berdi. Sonymen birge, ınvestorlarmen kelissózder júrigizilip, Qazaqstannyń ekinshi deńgeıli bankterimen, qarjy ınstıtýttarymen oblıgasııalardy ornalastyrý sharty qarastyryldy. Budan bólek, Qytaı tarapynan kelisimshart qunyna salyqty qosý týraly kellissózderdi bastadyq, bul shara joba boıynsha shyǵyndardy 200 mln dollarǵa azaıtýǵa jol ashady», dedi A. Kólginov.
Astana bankine aýdarylǵan $258 mln kólemindegi qarajat Nur-Sultan ákimdigine jobany odan ári júzege asyrýǵa qaıtarylatyny belgili boldy.
Jıynda 18 stansanyń 7 aıaldamasyn qysqartý máselesi qarastyrylyp otyrǵanyn jáne júrý ıntervaly 3 mınýttan 10 mınýtqa deıin ózgertiletini aıtyldy. Bul elordanyń qoǵamdyq kóligin damytýǵa úles qosady.
